လူအမျာစုက မျက်နှာကိုတော့ ဂရုစိုက်ပြီး လက်တွေကို ဂရုစိုက်ဖို့ကို မေ့နေတတ်ကြပါတယ်။ လက်တွေက ခန္ဓာကိုယ်ရဲ့အသုံးအများဆုံးနဲ့ အများဆုံးထိတွေ့ရတဲ့ အစိတ်အပိုင်းဖြစ်တာမလို့ လက်တွေကိုလည်း ဂရုစိုက်ပေးဖို့ လိုပါတယ်။ ဒါတွေကတော့ လက်မှာ ညိုညစ်တာတွေကို ဖယ်ရှားပေးပြီး နူးညံ့တဲ့လက်တစုံကို ရစေမယ့် အိမ်တွင်းကုထုံးတွေပါ။
ခရမ်းချဉ်သီး
သဘာဝ Hand Scrub အနေနဲ့ ခရမ်းချဉ်သီးနဲ့ ကုလားပဲမှုန့်တို့ကို ရောစပ်ပြီး လက်ကို ပွတ်တိုက်ပေးပါ။ ခရမ်းချဉ်သီးမှာပါတဲ့ Lycopene က အသားအရေကို ညီစေပြီး နေလောင်တာကို သက်သာစေပါတယ်။
သံပုရာရည်
သံပုရာသီးက အသားအရေကို ကြည်စေပြီး ဆဲလ်အသစ်တွေကို ဖြစ်စေတာကြောင့် ညဘက်အိပ်ခါနီး သံပုရာရည်နည်းနည်းကို လက်ဖဝါးပေါ်ညှစ်ပြီး လက်နဲ့ လက်ကောက်ဝတ်ကို ပွတ်လိမ်းပေးရင် ညိုမဲပြီး မွဲခြောက်နေတဲ့ အသားအရေကို သိသိသာသာ ကြည်လင်တောက်ပစေပါတယ်။
သခွားသီး
အသားအရေအတွက် အကျိုးကျေးဇူးအများကြီးပေးနိုင်တဲ့ သခွားသီးတစ်ခြမ်းကိုယူပြီး လက်ကောက်ဝတ် လက်မောင်းတွေအထိ အနည်းဆုံး 10 မိနစ်ကြာအောင် ပွတ်ပေးပါ။ ဒါမှ လက်ကို နေရောင်ခြည်ရဲ့ အန္တရာယ်ရှိတဲ့ UV rays ကနေ ကာကွယ်ပေးပြီး အသားအရေအရောင်မညီတာကို သက်သာစေတဲ့အပြင် အသားအရေကို စိုပြေစေပြီး နူးညံ့စေပါတယ်။
ရှားစောင်းလက်ပတ်
လက်ကနေလောင်တာတွေကို သက်သာစေဖို့အတွက်ဆို ညအိပ်ခါနီး လတ်ဆတ်တဲ့ ရှားစောင်းလက်ပတ်ဂျယ်လ်ကို ယူပြီးလက်ကို လိမ်းပေးပါ။ တစ်ညလုံးထားပြီး မနက်ခင်းမှာ ရေဆေးချလိုက်ပါ။
သင်္ဘောသီး
ကြိတ်ချေထားတဲ့ သင်္ဘောသီးမှည့်တလုံးကို လက်အနှံ့ လိမ်းပေးပါ။ ၁၀-၁၅ မိနစ်လောက်ထားပြီး ရေဆေးချလိုက်ပါ။ဗီတာမင် A နဲ့ C လည်း ပါတဲ့ သင်္ဘောသီးက နေလောင်ကွက်တွေကို ဖယ်ရှားပေးနိုင်တဲ့အပြင် အသားအရေကို တောက်ပစေပါတယ်။
