ကိုယ့်အသားအရေအပေါ်မူတည်ပြီး ထောပတ်သီးနဲ့မျက်နှာပေါင်းတင်နိုင်မယ့်နည်းလမ်း ၅ မျိုး

ကိုယ့်အသားအရေအပေါ်မူတည်ပြီး ထောပတ်သီးနဲ့ မျက်နှာပေါင်းတင်နိုင်မယ့် နည်းလမ်း ၅ မျိုးကို မျှဝေပေးလိုက်ပါတယ်။

မျက်နှာညစ်နေတဲ့အသားအရေအတွက်

မျက်နှာညစ်နေတဲ့ အသားအရေအတွက်ဆိုရင်တော့ ထောပတ်သီးနဲ့ oatmeal ကိုသုံးပြီး gentle exfoliation လုပ်လို့ရပါတယ်။

နည်းလမ်းကတော့ ထောပတ်သီးနဲ့ oatmeal ကို ဆတူရောကြိတ်ပါ။ ပြီးရင် မျက်နှာသစ်ပြီး ခုနကရောကြိတ်ထားတာတွေကို မျက်နှာမှာလိမ်းပေးပြီး ၁၅ မိနစ်ထားပါ။ အချိန်ပြည့်ရင် မျက်နှာကို ရေဖြန်းပြီး စက်ဝိုင်းပုံစံပွတ်ပေးပါ။ ပြီးမှ မျက်နှာသစ်ချပြီး skincare ပြန်လိမ်းပေးပါ။ ဒီနည်းလမ်းကို တစ်ပတ်တစ်ခါ ပုံမှန်လုပ်ပေးရင် မျက်နှာအသားအရေကြည်လာစေပါတယ်။

Sensitive ဖြစ်တဲ့အသားအရေအတွက်

Sensitive ဖြစ်တဲ့အသားအရေတွေဆိုရင် ထောပတ်သီးနဲ့ မက်မွန်သီးကိုသုံးပြီး မျက်နှာပေါင်းတင်လို့ရပါတယ်။

နည်းလမ်းကတော့ ထောပတ်သီးနဲ့ မက်မွန်သီးကို ဆတူရောချေပြီး ပျစ်ပျစ်လေးဖြစ်အောင်လုပ်ပေးပါ။ ပြီးရင်တော့ မျက်နှာမှာလိမ်းပြီး မိနစ် ၂၀ ထားပါ။ အချိန်ပြည့်မှ ရေနွေးနဲ့မျက်နှာသစ်ပြီး skincare ပြန်လိမ်းပေးပါ။

အသားခြောက်တဲ့ Dry Skin အတွက်

အသားခြောက်တဲ့ Dry Skin တွေဆိုရင် ထောပတ်သီးနဲ့ ပျားရည်နဲ့ကိုသုံးပြီး မျက်နှာပေါင်းတင်လို့ရပါတယ်။

နည်းလမ်းကတော့ ထောပတ်သီးကိုချေပြီး ပျားရည်နဲ့ပျစ်ပျစ်လေးဖြစ်အောင် ရောမွှေပေးပါ။ ပြီးရင်တော့ မျက်နှာမှာလိမ်းပြီး မိနစ် ၂၀ လောက် ပေါင်းတင်ထားပါ။ အချိန်ပြည့်မှ ရေကြက်သီးနွေးနဲ့ မျက်နှာသစ်ပြီး skincare ပြန်လိမ်းပေးပါ။

အဆီပြန်တဲ့ Oily Skin အတွက်

အဆီပြန်တဲ့ Oily Skin တွေဆိုရင် ထောပတ်သီးနဲ့ green tea ကို clay mask လုပ်ပြီး ပေါင်းတင်နိုင်ပါတယ်။

နည်းလမ်းကတော့ ထောပတ်သီးကိုချေပြီး green tea အမှုန့်နဲ့ ပျစ်ပျစ်လေးဖြစ်အောင် ရောမွှေပါ။ ပြီးရင်တော့ မျက်နှာမှာလိမ်းပြီး မိနစ် ၂၀ ထားပါ။ အချိန်ပြည့်ရင် ရေခဲရေနဲ့မျက်နှာသစ်ပြီး skincare ပြန်လိမ်းပေးပါ။

ဝက်ခြံသမားတွေအတွက်

ဝက်ခြံသမားတွေဆိုရင် ထောပတ်သီးကို tea tree oil နဲ့ရောပြီး မျက်နှာပေါင်းတင်ရင် ဝက်ခြံသက်သာပါတယ်။

နည်းလမ်းကတော့ ထောပတ်သီးကိုချေပြီး tea tree oil – စားပွဲတင်ဇွန်း ၂ ဇွန်းနဲ့ ရောမွှေပါ။ ပြီးရင် မျက်နှာမှာလိမ်းပြီး ၁၀ မိနစ်ပေါင်းတင်ထားပါ။ အချိန်ပြည့်ရင် ရေခဲရေနဲ့မျက်နှာသစ်ပြီး skincare သေချာပြန်လိမ်းပေးရုံပါပဲ။