လက်သည်းကိုဂရုစိုက်ပေးတာက အလှအပအတွက်ပဲ မဟုတ်ပါဘူး ကျန်းမာရေးအတွက်လည်း ပါပါတယ်။ ဒါကြောင့် မိန်းကလေးတိုင်း nail care လုပ်ပေးသင့်ပါတယ်။ တကူးတကကြီးမလုပ်နိုင်ရင်တောင်မှာ အလွယ်ဆုံးဖြစ်တဲ့ ဒီ nail care tips (၅) ခုကိုတော့ ပုံမှန်လေးလုပ်ပေးသင့်ပါတယ်။
လက်သည်းနီမဆိုးပဲခဏနေပါ
လက်သည်းနီအမြဲဆိုးထားရင် လက်သည်းဝါညစ်ပြီး အရမ်းပျက်စီးပါတယ်။ လက်သည်းနီကို အမြဲဆိုးထားတာက ကျန်းမာရေးအတွက်လည်း မကောင်းပါဘူး။ ဒါကြောင့် အနည်းဆုံး တစ်ပတ်မှာ တစ်ရက်လောက်တော့ လက်သည်းနီမဆိုးပဲ ဒီတိုင်းလေးထားပေးပါ။
Cuticle Oil နေ့တိုင်းသုံးပါ
Cuticle oil က လက်သည်းနဲ့ လက်ဆွယ်ငုပ်တာ၊ ပန်းကုံး၊ အသားမာအတွက် အရမ်းကောင်းပါတယ်။ Moisture အပြည့်အဝပေးနိုင်တာကြောင့် လက်သည်းမှာ ပွတ်လိမ်းပြီး massage လုပ်ပေးရင် သွေးလည်ပတ်မှုလည်း ကောင်းမွန်စေတယ်၊ လက်သည်းလည်း အရှည်မြန်စေတယ်၊ သန်မာစေပါတယ်။ ဒါကြောင့် တစ်နေ့ကို ၂ ကြိမ်သုံးပေးသင့်ပါတယ်။
Hydrated
လက်သည်းကျန်းမာရေးအတွက် hydrated ဖြစ်နေဖို့ကလည်း အရမ်းအရေးကြီးပါတယ်။ ဒါကြောင့် ရေများများသောက်ပေးပါ။ Dehydrated ဖြစ်နေရင် လက်သည်းတွေခြောက်ပြီး ခဏခဏကျိုးပဲ့လွယ်တာမျိုးတွေ ဖြစ်လာပါလိမ့်မယ်။
Biotin Supplements
လက်သည်းကျန်းမာလှပစေဖို့ supplement အနေနဲ့ biotin သောက်ပေးနိုင်ရင် အကောင်းဆုံးပါပဲ။ Biotin က လက်သည်းအရှည်မြန်စေတယ်၊ လက်သည်းခဏခဏကျိုးပဲ့တာမျိုးတွေ မဖြစ်စေတော့ပဲ သန်မာစေပါတယ်။
Hand Cream သုံးပါ
တော်တော်များများက hand cream ကို မသုံးဖြစ်ကြပါဘူး။ ဒါပေမယ့် hand cream သုံးပေးခြင်းက လက်နဲ့ လက်သည်းကို moisture အပြည့်အဝပေးနိုင်တာကြောင့် လက်နူးညံ့စေတယ်၊ လက်သည်းလေးတွေ စိုစိုပြောင်ပြောင်လေး ဖြစ်စေပါတယ်။
