ခါးနာတယ်ဆိုတာက အသက်ကြီးပိုင်းတွေမှာမှ ဖြစ်တာမဟုတ်ပါဘူး။ အသက်ငယ်တဲ့သူတွေဆိုလည်း အထိုင်များတဲ့အလုပ် လုပ်ရတဲ့အခါမှာ ခါးနာတာဒဏ်ဖြစ်ပြီး အချိန်ကြာကြာနာနေတတ်ပါတယ်။ ဒါ့အပြင် ဒေါက်ဖိနပ်အမြဲစီးတဲ့သူတွေဆိုရင်လည်း ဒဏ်ဖြစ်ပြီးတော့ အချိန်ကြာကြာနာတတ်ပါတယ်။ ဒီလိုခါးနာတာက လေ့ကျင့်ခန်းလုပ်ပေးရင် သက်သာပါတယ်။ ဒါကြောင့် ခါးနာတာကို သက်သာသွားစေမယ့် အလွယ်ကူဆုံး လေ့ကျင့်ခန်း ၅ မျိုးကို ဖော်ပြပေးလိုက်ပါတယ်။
လေ့ကျင့်ခန်းလုပ်မယ်ဆိုရင် ယောဂကျင့်တဲ့ဖျာ၊ လေ့ကျင့်ခန်းလုပ်တဲ့ဖျာပေါ်မှာပဲ လုပ်ပေးပါ။
ပုံမှာပြထားတဲ့အတိုင်း မှောက်ယက်အနေအထားနဲ့ နေပေးရပါမယ်။ လက်နှစ်ဖက်ကို ထောင့်ချိုးကျကျကွေးထားပြီး ခေါင်းက တစ်ဖက်ကို လှည့်ထားရပါမယ်။ ခြေထောက်တစ်ဖက်ကို ဆန့်ထုတ်ထားပြီး နောက်ခြေထောက်တစ်ဖက်ကိုတော့ ၉၀ ဒီဂရီ ထောင့်ချိုးကျကျ ကွေးထားရပါမယ်။ အဲ့အတိုင်း စက္ကန့် ၃၀ နေပြီးရင်တော့ ခြေထောက်ကို ဘယ်ညာပြောင်းပြီး နောက်ထပ် စက္ကန့် ၃၀ ထပ်နေပေးပါ။
ပုံမှာပြထားတဲ့အတိုင်း ခြေဖနောင့်နှစ်ခုကို တင်ပါးနဲ့ထိအောင်ထားပြီး ထိုင်ပေးပါ။ ခါးရိုး၊ ကျောရိုးကို တစ်တန်းတည်းဖြစ်အောင်နေပါ။ ခေါင်းကိုငုံ့ပြီး လက်နှစ်ဖက်ကို အရှေ့ဆန့်ထုတ်ထားပါ။ လက်ဖမိုးပေါ်ကို နောက်လက်ဖဝါးထပ်ထားပေးရပါမယ်။ အဲ့အနေအထားအတိုင်း စက္ကန့် ၃၀ (သို့) စက္ကန့် ၆၀ ပြည့်အောင် နေပေးပါ။
အရင်ဆုံး ပထမပုံမှာပြထားတဲ့အတိုင်း ဖျာပေါ်မှာမှောက်ပြီးနေပါ။ လက်၊ ခြေထောက်၊ ခါး၊ အားလုံးကို ဆန့်တန်းထားရပါမယ်။ လက်ဖဝါးနှစ်ဖက်က တင်ပါးကိုကပ်ထားပါ။ ပြီးရင်တော့ ဒုတိယပုံထဲကအတိုင်း ခါးကနေစပြီး အပေါ်ပိုင်းကို မတင်လိုက်ပါ။ ခေါင်းကိုမော့စရာမလိုပါဘူး။ တည့်တည့်ပဲထားရပါမယ်။ အဲ့အတိုင်း ၁၅ ကြိမ်လုပ်ပေးပါ။
ပထမပုံမှာပြထားတဲ့အတိုင်း မှောက်ယက်အနေအထားနဲ့ လက်နဲ့ ခြေထောက်ကို မြှောက်ပြီး ဆန့်တန်းထားပါ။ ပြီးရင်တော့ ဒုတိယပုံထဲကလို ဘယ်ခြေထောက်၊ ညာလက်ကို အောက်ချပေးပါ။ အဲ့အတိုင်း ၁၅ ကြိမ်ပြည့်အောင်လုပ်ပြီးရင်တော့ ညာခြေထောက်၊ ဘယ်လက်ကို အောက်ချပြီး ၁၅ ကြိမ် ထပ်လုပ်ရပါမယ်။ ဘယ်ညာတစ်လှည့်စီ ပြောင်းလုပ်တဲ့သဘောပါ။
အရင်ဆုံး ပထမပုံမှာပြထားတဲ့ အနေအထားအတိုင်း နေပေးပါ။ ပြီးရင်တော့ ဒုတိယပုံမှာပြထားတဲ့အတိုင်း ခြေထောက်ကို နည်းနည်းကား၊ ခါးကနေစပြီး အပေါ်ကိုမတ်၊ လက်နှစ်ဖက်ကိုဆန့်ထုတ်ထားလိုက်ပါ။ ပြီးရင် ပုံမှန်အတိုင်း ပြန်နေပါ။ ဒီလေ့ကျင့်ခန်းကိုလည်း ၁၅ ကြိမ်လုပ်ပေးရပါမယ်။
Source :www.brightside.me
