အမြဲလိုလိုအချိန်တိုင်းဗိုက်ဆာနေရတဲ့အဓိကအကြောင်းအရင်း ၅ ခု

အခုပဲစားပြီးတယ်၊ ခဏနေကျ ဗိုက်ထပ်ဆာတယ်ဆိုတာမျိုး ဖြစ်ဖူးကြမှာပါ။ တစ်နေကုန် ဗိုက်ကတစ်ချိန်လုံးဆာနေတာတွေက အဓိက ဒီအကြောင်းအရင်း ၅ ခုကြောင့် ဖြစ်လာတာများပါတယ်။

မနက်စာ breakfast ကိုသေချာမစားခြင်း

လူတစ်ယောက်ရဲ့တစ်နေ့တာအတွက် မနက်စာ breakfast က အရမ်းကိုအရေးကြီးပါတယ်။ မနက်စာကို အာဟာရရှိအောင် သေချာစားမှ တစ်နေ့တာအတွက် အဆင်ပြေမှာပါ။ ကျန်းမာပြီး active ဖြစ်နေမှာပါ။ မနက်စာကို မစားပဲနေခြင်းက အားလျော့စေပြီး သွေးတွင်းသကြားဓာတ်လည်း လျော့ကျစေလို့ ခဏခဏဗိုက်ဆာနေတတ်ပါတယ်။

အိပ်ချိန်မလုံလောက်ခြင်း

အိပ်ချိန်မလုံလောက်တာ၊ အိပ်ရေးမဝတာတွေများလာရင်လည်း ဗိုက်ခဏခဏဆာပြီး ပိုစားဖြစ်ပါတယ်။ ဘယ်လောက်စားစား ခဏနေရင် ဗိုက်ကဟာပြီးဆာနေတာမျိုးတွေ ဖြစ်တတ်ပါတယ်။

အာဟာရရှိအောင်မစားသောက်ခြင်း

အစားအသောက်စားတဲ့အခါမှာ တစ်ခါထဲဗိုက်ပြည့်အောင် အာဟာရရှိတာတွေကိုမစားပဲ ဟိုတိုတိ၊ ဒီတိုတိနဲ့ သရေစာတွေပဲစားနေမယ်ဆိုရင်တော့ ခဏခဏဗိုက်ဆာနေမှာပါ။ ဒါကြောင့် ကျန်းမာပြီး အာဟာရပြည့်ဝအောင် သေချာစားသောင်ဖို့လိုပါတယ်။

ရေကိုလုံလောက်အောင်မသောက်ခြင်း

ရေဓာတ်မလုံလောက်လို့ ခန္ဓာကိုယ်က dehydration ဖြစ်လာတဲ့အခါမှာ ခဏခဏဗိုက်ဆာတတ်ပါတယ်။ ရေဓာတ်ပြည့်ဝနေဖို့က အရမ်းကိုအရေးကြီးပါတယ်။ ဒါကြောင့် ရေကို ခဏခဏသောက်ပေးဖို့လိုပါတယ်။ များများသောက်ပေးဖို့ လိုပါတယ်။

Stress တွေများနေခြင်း

Stress တွေ အရမ်းများနေရင် ခန္ဓာကိုယ်က ဟော်မုန်းအပြောင်းအလဲကြောင့် ခဏခဏဗိုက်ဆာတာမျိုး ဖြစ်ပါတယ်။ ဒါကြောင့် သတိထားပြီး stress များနေချိန်မှာ ရေများများသောက်၊ အာဟာရရှိတာတွေစားပါ။

source:www.blushin.com