တစ်ခါတစ်လေမှာ ပျိုမေတို့အနေနဲ့မှားယွင်းစွာဝတ်ဆင်မိနေတဲ့ဖက်ရှင်တချို့

တစ်ခါတစ်လေကျရင် ပုံမှန်ကိုယ်ဝတ်နေကျအဝတ်အစားတွေကိုဝတ်တဲ့အခါမှာ ဝတ်ဆင်ပုံမှားယွင်းနေတာမျိုး ဖြစ်တတ်ပါတယ်။ ဒီလိုဖြစ်သွားရင် ကိုယ်ဝတ်ထားတဲ့ဖက်ရှင်က တစ်မျိုးကြီးဖြစ်နေတတ်ပါတယ်။ ဒါကြောင့် တစ်ခါတစ်လေမှာ ပျိုမေတို့အနေနဲ့ မှားယွင်းစွာဝတ်ဆင်မိနေတဲ့ ဖက်ရှင်တချို့ကို သတိထားမိအောင်လို့ ပြောပြပေးလိုက်ပါတယ်။

Off Should အင်္ကျီတွေကိုဝတ်တဲ့အခါမှာ ပခုံးချပြီးဝတ်မယ်ဆိုရင် Bra ကြိုးမပေါ်အောင် ကြိုးပျောက်နဲ့ဝတ်ပါ။ ပခုံးချဝတ်ပြီး Bra ကြိုး ပေါ်နေတာမျိုးက အရမ်းကြည့်ရဆိုးစေပါတယ်။ ဒီလိုမှမဟုတ်ရင်လည်း Bra ကြိုးနဲ့ဝတ်ပြီး Off Shoulder အင်္ကျီကို ပခုံးပေါ်တင်ဝတ်တာမျိုး လုပ်ဝတ်ပါ။ ဒါမှဖက်ရှင်ကျပြီး လှနေမှာပါ။

ရင်ဘတ်ဟိုက်တဲ့အင်္ကျီတွေဝတ်မယ်ဆိုရင် accessory ကိုအများကြီးမဝတ်ပါနဲ့။ ဥပမာ – နားကပ်ကြီးကြီးဝတ်မယ်ဆိုရင် ဆွဲကြိုးမဝတ်ပါနဲ့။ ဆွဲကြိုးဝတ်မယ်ဆိုရင် နားကပ်မဝတ်ပါနဲ့။ ဒါမှ ပိုပြီးဖက်ရှင်ကျစေမှာပါ။ မဟုတ်ရင် အရမ်းရှုပ်သွားပါလိမ့်မယ်။

အတိုဝတ်တဲ့အခါမှာ အောက်ကနေ အသားကပ် Stocking တွေဝတ်မယ်ဆိုရင် အနက်ရောင်ကို မရွေးပါနဲ့။ ကိုယ့်အသားနဲ့ တစ်ထပ်တည်းဖြစ်တဲ့ Stocking အရောင်ကိုပဲ ရွေးဝတ်ပါ။ ဒါမှဖက်ရှင်ကျပြီး လှပနေမှာပါ။ မဟုတ်ရင် ကြည့်ရဆိုးတဲ့ဖက်ရှင် ဖြစ်သွားတတ်ပါတယ်။

Body Fit Dress ကိုမှ Off Shoulder ဖက်ရှင်မျိုးကိုဝတ်မယ်ဆိုရင် သင်ရွေးချယ်ထားတဲ့ Dress က ဒူးဖုံးအရှည်လေးဖြစ်ရပါမယ်။ ဒါမှ ကြည့်ရတာပိုပြီးလှပနေမှာပါ။

Body Fit Dress အတိုကိုဝတ်မယ်ဆိုရင် Off Shoulder ဖက်ရှင်ကိုမရွေးပါနဲ့။ အတိုလည်းဖြစ်တဲ့အပြင် Body Fit ကလည်းဖြစ်နေတယ်၊ Off Shoulder လည်းဖြစ်နေတယ်ဆိုရင် ဝတ်ရတာ သက်တောင့်သက်သာမရှိတဲ့ပုံ ပေါက်စေပါတယ်။