K-Drama Fan တွေဆိုရင်တော့ ငယ်ငယ်ထဲက ကလေးသရုပ်ဆောင်လေးတွေကိုလည်း ရင်းနှီးပြီးသားဖြစ်မှာပါ။ နောက်ပြီး မြင်တာနဲ့ တန်းပြီးမှတ်မိကြမှာပါ။
ဒီနေ့မှာတော့ ငယ်ငယ်ထဲက အနုပညာလောကထဲဝင်လာတဲ့ ကိုရီးယားကလေးသရုပ်ဆောင်တွေထဲမှာမှ အခုအချိန်ထိအောင်မြင်နေဆဲဖြစ်တဲ့ အနုပညာရှင်များဖြစ်ကြတဲ့ ကလေးသရုပ်ဆောင် ၅ ယောက်ကို ဖော်ပြပေးချင်ပါတယ်။
Yeo Jin-goo
Yeo Jin-goo ကိုတော့ နာမည်မသိရင်တောင် မျက်နှာလေးမြင်တာနဲ့ တန်းသိကြမှာပါ။ အသက်၈နှစ်ထဲက အနုပညာလောကထဲကိုဝင်ရောက်ခဲ့ပြီး ၂၀၀၅ မှာ “Sad Movie” ဆိုတဲ့ ရုပ်ရှင်မှာ စတင်သရုပ်ဆောင်ခဲ့ပါတယ်။ အဲ့ဒီနောက်ပိုင်းမှာတော့ Drama တော်တော်များများမှာ ကလေးသရုပ်ဆောင်အဖြစ်နဲ့ ပါဝင်သရုပ်ဆောင်ခဲ့ပါတယ်။
အခုဆိုရင် အသက်၂၅နှစ်ရှိပြီး “Hotel del Luna” , “Link: Eat, Love, Kill”နဲ့ လူကြိုက်ပိုများလာတဲ့ Starတစ်ယောက်ပဲ့ဖြစ်ပါတယ်။
Kim Yoo-jung
Kim Yoo-jungဆိုရင်တော့ K Drama ကြည့်သူတိုင်းသိကြမယ့် မင်းသမီးလေးပါပဲ။ အသက်လေးနှစ်အရွယ်ထဲက အနုပညာလောကထဲ စတင်ဝင်ရောက်ခဲ့ပြီး ၂၀၀၃မှာတော့ သရုပ်ဆောင်ပိုင်းနဲ့ စတင်ပွဲဦးထွက်ခဲ့ပါတယ်။ အဲ့ဒီနောက်ပိုင်းမှာ Drama တော်တော်များများမှာ ကလေးသရုပ်ဆောင်အဖြစ်နဲ့ပါဝင်ခဲ့ရလွန်းလို့ သူမ ငယ်ငယ်ထဲကသိနေကြတဲ့သူတွေ အများကြီးပါပဲ့။ အခုဆိုရင် အရမ်းအောင်မြင်ပြီး လူကြိုက်များတဲ့ မင်းသမီးတစ်ယောက် ဖြစ်နေပါပြီ။
Kim So-hyun
Kim So-hyun ဆိုရင်လည်း လူကြိုက်များတဲ့ မင်းသမီးလေးဖြစ်လို့ K-Drama Fanတိုင်း သိကြမှာပါ။ သူမကတော့ ၂၀၀၆ မှာ အနုပညာလောကထဲကို ကလေးသရုပ်ဆောင်အဖြစ်နဲ့စတင်ဝင်ရောက်ခဲ့ပြီး Dramaများစွာမှာ ပါဝင်သရုပ်ဆောင်ခဲ့ပါတယ်။ အခုဆိုရင် “Love Alarm” နဲ့ လူသိများလာပြီး အောင်မြင်နေတဲ့ မင်းသမီးလေးပဲ့ဖြစ်ပါတယ်။
Yoo Seung-ho
Yoo Seung-ho ဆိုလည်း ငယ်ငယ်ထဲကကလေးသရုပ်ဆောင်အဖြစ်နဲ့ အောင်မြင်နေတဲ့သူပါ။ ၂၀၀၂ မှာထွက်ရှိခဲ့တဲ့ “The Way Home” ဆိုတဲ့ရုပ်ရှင်မှာ ကလေးသရုပ်ဆောင်အဖြစ်နဲ့ ပါဝင်ခဲ့ပါတယ်။ အခုဆိုရင် အသက် ၂၉ နှစ်ရှိပြီးဖြစ်ပြီး မိန်းကလေးတွေရဲ့အသည်းစွဲမင်းသားတစ်လက် ဖြစ်နေပါပြီနော်။
Kim Hyang Gi
Kim Hyang Gi ဆိုလည်း ၂၀၀၆ ထဲက Animal Film ဖြစ်တဲ့ “Heart Is…” ဆိုတဲ့ရုပ်ရှင်မှာ ကလေးသရုပ်ဆောင်အဖြစ်နဲ့ စတင်သရုပ်ဆောင်ခဲ့ပါတယ်။ ကလေးသရုပ်ဆောင်လေးကနေ အရွယ်ရောက်လာတော့ Student Drama လေးတွေမှာ သရုပ်ဆောင်ခဲ့ပါတယ်။ အခုထိလည်း ချစ်စရာကောင်းတဲ့ကလေးမျက်နှာလေးနဲ့ အောင်မြင်နေတဲ့မင်းသမီးလေးဖြစ်နေပါပြီ။
