မိန်းကလေးတစ်ယောက်ရဲ့ ယုံကြည်မှုကို မြှင့်တင်ပေးနိုင်တဲ့ အဝတ်အစားတွေထဲမှာ ကိုယ်နဲ့ သင့်တော်တဲ့ Bra တွေလည်း ပါဝင်ပါတယ်။ ကိုယ် ဝတ်တဲ့ အင်္ကျီအလိုက် ဝတ်ကို ဝတ်သင့်တဲ့ Bra အမျိုးအစားတွေ ရှိပါတယ်။ ဥပမာ- အင်္ကျီအပါးလေးကို Bra အဆင်မပြေတာနဲ့ ဝတ်မိရင် ဘယ်လိုမှ ကြည့်ရတာ လှမှာ မဟုတ်ပါဘူး။

Bra အမျိုးပေါင်း မြောက်မြားစွာ ရှိတဲ့အထဲက မိန်းကလေးတိုင်းမှာ မဖြစ်မနေ ပိုင်ဆိုင်ထားသင့်တဲ့ Bra တွေ ရှိပါတယ်။ ဒီတော့ ဘယ် Bra တွေ ဖြစ်မလဲ ကြည့်လိုက်ရအောင်-

၁။ T Shirt Bra

T Shirt Bra တွေက ဝတ်ရတာ သက်တောင့်သက်သာရှိတဲ့အပြင် အရာမထင်ဘဲ ချောမွေ့တဲ့ အဝတ်ပုံစံ ဖြစ်ပါတယ်​။ T Shirt Bra ကိုမှ အရောင် အနေနဲ့ အနက်နဲ့ အသားရောင်ကို ပိုင်ဆိုင်ထားသင့်ပါတယ်။

၂။ Strapless Bra

Evening Wear တွေ၊ Off Shoulder တွေ၊ အင်္ကျီလတ်ပြတ်တွေ ဝတ်တဲ့အခါ Strapless Bra ကို မရှိမဖြစ် လိုအပ်ပါတယ်။ T Shirt Bra လိုပဲ အနက်နဲ့ အသားရောင် ပိုင်ဆိုင်ထားသင့်ပါတယ်။

၃။ Wireless Bra

သံဒေါက် မပါတဲ့ Wireless Bra တွေက အပြင်ထွက်တဲ့အချိန်၊ ခရီးသွားတဲ့ အချိန်၊ နားတဲ့အချိန်၊ အိပ်တဲ့အချိန် စတဲ့ အချိန်တိုင်းမှာ သက်သောင့်သက်သာ ဝတ်နိုင်တာမို့ မိန်းကလေးတိုင်း ဆောင်ထားသင့်ပါတယ်။

၄။ Push Up Bra

ရင်ဘတ်ဟိုက်တဲ့ အင်္ကျီတွေ၊ ဂါဝန်တွေ စတာတွေ ဝတ်တဲ့အခါ ရင်ဘတ်အလှကို ပိုပေါ်စေချင်သူတွေအတွက် Push Up bra က မရှိမဖြစ်ပါပဲ။

၅။ ဇာ Balconette

Lace Balconette လောက် ဘယ် ဘရာမှ ဆွဲဆောင်မှု မရှိပါဘူး။ ရင်ဘတ် တစ်ဝက်လောက်ပဲ အရှည်ပါတဲ့အပြင် ပုခုံးသားကို ပိုပေါ်လွင်စေတာမို့ နဂိုထက် ဆွဲဆောင်မှုရှိချင်တဲ့ ကောင်မလေးတွေ ပိုင်ဆိုင်ထားသင့်ပါတယ်။

Photo Source: Pinterest

By MyStyle Myanmar