ကိုယ်ဝန်ဆောင်မိခင်တွေ ပုံမှန်လုပ်ပေးသင့်တဲ့ အကောင်းဆုံးယောဂကျင့်စဉ် ၅ မျိုး

ယောဂကျင့်ပေးခြင်းက စိတ်ရောကိုယ်ပါ ကျန်းမာစေတဲ့အရာတစ်ခု ဖြစ်ပါတယ်။ အထူးသဖြင့် ကိုယ်ဝန်ဆောင်ချိန်မှာ လေ့ကျင့်ခန်းလုပ်လို့ အဆင်မပြေတဲ့အတွက် ယောဂကျင့်ပေးတာက ပိုကောင်းပါတယ်။ ဒါပေမယ့် ယောဂကျင့်တဲ့အခါမှာလည်း ပြင်းထန်တာတွေကို လုပ်လို့မရပါဘူး။ အရမ်းသတိထားရပါတယ်။ ဒါကြောင့် ကိုယ်ဝန်ဆောင်မိခင်တွေအတွက် ပုံမှန်လုပ်ပေးသင့်တဲ့ အကောင်းဆုံးယောဂကျင့်စဉ် ၅ မျိုးကို မျှဝေပေးလိုက်ပါတယ်။

ကိုယ်ဝန်ဆောင်ချိန်မှာ ဒီယောဂကျင့်စဉ်တွေကို ပုံမှန်လုပ်ပေးမယ်ဆိုရင် mood swings ဖြစ်တာတွေ၊ ခြေထောက်နာကျင်ကိုက်ခဲတာတွေ သက်သာစေပြီး အသက်ရှူလမ်းကြောင်း ပြဿနာတွေလည်း မဖြစ်အောင် ကာကွယ်ပေးပါတယ်။ စိတ်တည်ငြိမ်စေပါတယ်။

Twisted pose

ပုံမှာပြထားတဲ့အနေအထားအတိုင်း တစ်ပုံစံထဲတူအောင်နေပေးရမှာပါ။ အဲ့ပုံစံနဲ့ ဘယ်လှည့်လိုက်၊ ညာလှည့်လိုက် လုပ်ပေးရမှာ ဖြစ်ပါတယ်။ ဖြေးဖြေးချင်းစီလှည့်ပြီး ပုံမှန်ပဲလုပ်ပေးပါ။ တစ်ဖက်ကို ၁၅ ကြိမ်စီ လုပ်ရင်ရပါပြီ။

Chair pose

ပုံမှာပြထားတဲ့အတိုင်း ခြေထောက်တစ်ဖက်ကို ဘေးဘက်ကိုကွေးပြီး နောက်တစ်ဖက်က ဒူးနည်းနည်းညွှန့်ထားပါ။ လက်နှစ်ဖက်ကိုတော့ မြှောက်ထားပါ။ အဲ့အတိုင်း ၃ စက္ကန့်နေပြီး ခြေထောက်နဲ့လက် ပြန်ချ၊ နောက်ခြေထောက်တစ်ဖက်ကို ပြောင်းပြီးကွေးကာ အဲ့အတိုင်း ၃ စက္ကန့် ထပ်နေရပါ။ တစ်ဖက်ကို ၁၀ ကြိမ်စီ လုပ်ပေးရင် ရပါပြီ။ ဖြေးဖြေးချင်းစီပဲလုပ်ပါ။

Angle pose

ခြေဖဝါးနှစ်ဖက်ကိုစုပြီး ပုံမှာပြထားတဲ့အတိုင်းနေကာ အသက်ကိုရှိုက်ရှူလိုက် ရှူထုတ်လိုက်နဲ့ လုပ်ပေးပါ။ စက္ကန့် ၃၀ လောက်လုပ်ပေးရမှာဖြစ်ပါတယ်။

Ham’s pose with one leg

ခြေထောက်နှစ်ဖက်ကို ပုံမှာပြထားတဲ့အတိုင်းလုပ်ပြီး လက်နှစ်ဖက်ကိုလည်း တန်းနေအောင်မြှောက်ပါ။ အဲ့အတိုင်း ဘယ်လှည့်လိုက်၊ ညာလှည့်လိုက်နဲ့ လုပ်ရမှာပါ။ ၁၀ ကြိမ်ပြည့်အောင်လုပ်ပြီးရင် ခြေထောက်အနေအထားကို ဘယ်ညာပြောင်းလုပ်ပြီး အဲ့အတိုင်း ထပ်လုပ်ပေးရမှာ ဖြစ်ပါတယ်။

Extended hand to big toe pose

ပုံမှာပြထားတဲ့အတိုင်း ခြေထောက်တစ်ဖက်ကို ကိုယ်ကားနိုင်သလောက်ကားပြီး လက်ကခြေမကို ထိအောင်လုပ်ရမှာပါ။ အဲ့အတိုင်း ၅ စက္ကန့်နေလိုက်၊ ပြန်ချလိုက်၊ ထပ်မြှောက်ပြီး ၅ စက္ကန့် ထပ်နေလိုက်နဲ့ ၁၀ ကြိမ်လုပ်ပေးပါ။ အကြိမ်ရေပြည့်ရင် ခြေထောက်ကိုနောက်တစ်ဖက် ပြောင်းမြှောက်ပြီး ၁၀ ကြိမ် ထပ်လုပ်ပေးပါ။ ဒီယောဂကျင့်စဉ်မှာ လုပ်ဖို့်ခက်ခဲနေရင် အမှီရှိတဲ့နေရာမှာ လုပ်ပေးပါ။