စားနေတဲ့ အစားအသောက်က ဆံပင်ကျန်းမာရေးပေါ် သက်ရောက်မှုရှိပါတယ်။ ဆံပင်သန်စွမ်းရေးအတွက် လိုအပ်တဲ့ ဗိုက်တာမင်နဲ့ သတ္ထုဓါတ်တွေ မလုံလောက်ရင်လည်း ဆံပင်ကျွတ်နိုင်ခြေ မြင့်ပါတယ်။ ဒီတော့ ဆံပင်အတွက် အရေးကြီးဆုံး အာဟာရဓါတ်တွေ ပေးနိုင်မယ့် ဗိုက်တာမင်ဓါတ်တွေနဲ့ စားစရာတွေအကြောင်း မျှဝေပေးချင်ပါတယ်။ ဒီဗိုက်တာမင်တွေက ဆံပင်ကျွတ်နိုင်ခြေကို သက်သာလျော့ပါးဖို့ အကူအညီ ဖြစ်ပါလိမ့်မယ်။

(၁) Biotin

 a woman putting egg yolk in the glass bowl

Photo: Freepik

Biotin (Vitamin B7 ) ဟာ ခန္ဓာကိုယ်ထဲက ဆဲလ်တွေအတွက် အရေးကြီးတဲ့ ဗိုက်တာမင်တစ်မျိုးပါ။ Biotin Level ကျရင် ဆံပင်ကျွတ်ပြီး လက်သည်းတွေ ကျွတ်ဆတ်ကျိုးပဲ့လွယ်မယ်။ အသားအရေတွေ နီမြန်းရောင်ရမ်းလာမယ်။ Biotin ဓါတ်ပြည့်ဝဖို့ဆိုရင် ကြက်ဥအနှစ် ၊ ဂျုံဘာလီစတဲ့ ကောက်ပဲသီးနှံနဲ့ အသားတွေ စားပေးဖို့ လိုပါတယ်။

(၂) Iron

Woman cooking with lettuce

Photo: Freepik

သွေးနီဆဲလ်တွေဟာ အောက်ဆီဂျင်သယ်ဖို့ Iron ဓါတ် လိုပါတယ်။ သံဓါတ်အားနည်းရင် ပင်ပန်းလွယ်မယ်။ အသားအရေဖျော့တော့နေမယ်။ ဆံပင်လည်း ကျွတ်နိုင်ပါတယ်။ Iron ကြွယ်ဝတဲ့ အစားအစာတွေအနေနဲ့ အနီရောင် အသား(မြက်စားတဲ့နွား/ကျွဲစသည်) ၊ အစိမ်းရင့်ရောင် အရွက်နဲ့ ပဲတောင့်ရှည်တွေ စားပေးသင့်ပါတယ်။

(၃) Vitamin C

Lady holding knife and cutting orange on wooden board

Photo: Freepik

Iron ဓါတ်ကို စုပ်ယူနိုင်ဖို့အတွက် Vitamin C က မရှိမဖြစ်ပါပဲ။ ဗိုက်တာမင်စီ ကြွယ်ဝတဲ့ အသီးအနှံတွေအနေနဲ့ အချဉ်ဓါတ်ပါတဲ့ သံပုရာ ၊ လိမ္မော်စတဲ့ အသီးတွေ ၊ အစိမ်းရင့်ရောင် အရွက်တွေနဲ့ ငရုတ်ပွကြီးတွေ စားသုံးသင့်ပါတယ်။ ဗိုက်တာမင်စီ ကြွယ်ဝတဲ့ အသီးအနှံတွေကို သံဓါတ်ကြွယ်ဝတဲ့ အစားအသောက်တွေနဲ့ တွဲပြီး စားပေးခြင်းအားဖြသံဓါတ်စုပ်ယူမှု ပိုကောင်းပါတယ်။

(၄) Vitamin D

Hand chef using knife slice raw salmon on chopping board

Photo: Freepik

Vitamin D ဟာ အရိုးကျန်းမာရေးအတွက် အလွန်အရေးကြီးပါတယ်။ တစ်ဆက်တည်းမှာပဲ Vitamin D မလုံလောက်ရင် ဆံပင်ကျွတ်တယ်ဆိုတာတော့ လူသိနည်းကြပါတယ်။ အခုနောက်ပိုင်း လူအတော်များများဟာ နေရောင်ခြည် ထိတွေ့မှု နည်းလာကြတာကြောင့်ပဲ နေရာင်ခြည်ကနေ ရတဲ့ ဗိုက်တာမင်ဒီဓါတ် ကျဆင်းနေကြပါတယ်။ ဗိုက်တာမင်ဒီပြည့်ဝစေဖို့ အဆီများတဲ့ ငါးတွေ စားပါ။ဒါမှမဟုတ် Vitamin D ပါတဲ့ မဂ္ဂနီဆီယမ်တွေ သောက်နိုင်ပါတယ်။

(၅) Zinc

Women's hands peel pecans into a white bowl

Photo: Freepik

Zinc ဓါတ်ကတော့ ဆံပင်နဲ့ ဆဲလ်ထဲက ပရိုတိန်းတွေ တည်ဆောက်မှုမှာ အရေးပါတဲ့ အခန်းကဏ္ဍက ပါဝင်နေပါတယ်။ Zinc ဓါတ်ကို အစားအသောက်နဲ့ ဖြည့်စွက်အစာ/ဆေးတွေကနေ ရနိုင်ပါတယ်။ Zin level ကျရင် ဆံပင်ကျွတ်မယ် ၊ အနာကျက်တာ နှေးမယ်။ အနံ့/အရသာခံစားမှု အားနည်းနေမယ်။ Zinc ဓါတ် အားကောင်းဖို့ အသား ၊ ပဲ ၊ အစေ့အဆံနဲ့ ကမာကောင်တွေ စားပေးသင့်ပါတယ်။