မျက်ကွင်းညိုတာကိုကောင်းကောင်းဖုံးပေးနိုင်တဲ့ Concealer (၅) မျိုး

မျက်ကွင်းညိုတဲ့သူတွေက မိတ်ကပ်လိမ်းတော့မယ်ဆိုရင် Concealer သုံးပေးမှ အဆင်ပြေပါတယ်။ Concealer သုံးတဲ့အခါမှာလည်း မကောင်းရင် မျက်ကွင်းနေရာကြီး ပြာသလိုဖြစ်သွားတတ်ပါတယ်။ ဒါကြောင့် မျက်ကွင်းညိုတာကို ကောင်းကောင်းဖုံးပေးနိုင်တဲ့ အကောင်းဆုံးလည်းဖြစ်တဲ့ Concealer (၅) မျိုးကို ရွေးချယ်ပြီးဖော်ပြပေးလိုက်ပါတယ်။

Nars Radiant Creamy Concealer

Nars Radiant Creamy Concealer ကတော့ မျက်ကွင်းညိုတာအတွက် အရမ်းနာမည်ကြီးတဲ့ Best Concealer ပါပဲ။ Long Lasting လည်းဖြစ်တဲ့အပြင် သူ့ရဲ့ texture ကလည်း အရမ်းနူးညံ့ပါတယ်။ သူ့ထဲမှာ ဗီတာမင်အီးပါဝင်လို့ Hydrating လည်း ဖြစ်စေပါတယ်။ မျက်ကွင်းအရမ်းညိုတယ်၊ အဆီလည်းပြန်တယ်ဆိုရင်တော့ ဒီ Concealer ကို ရွေးသင့်ပါတယ်။

Tarte Shape Tape Contour Concealer

Tarte Shape Tape Contour Concealer ကလည်း မျက်ကွင်းညိုတာအတွက် အကောင်းဆုံး Concealer ပါပဲ။ မျက်ကွင်းညိုနေတာတွေကို ကောင်းကောင်းဖုံးပေးနိုင်တဲ့အပြင် မျက်လုံးအောက်က အရေးအကြောင်းတွေကိုလည်း ဖုံးပေးနိုင်ပါတယ်။ မျက်ကွင်းအရမ်းညိုပေမယ့် အဆီမပြန်ဘူး Nars ထက် စျေးသက်သာတာလည်း သုံးချင်တယ်ဆိုရင်တော့ ဒီ Concealer ကို ရွေးပါ။

bareMinerals bareSkin Complete Coverage Serum Concealer

မျက်လုံးနားဧရိယာက အရမ်းခြောက်သွေ့တယ်၊ မျက်ကွင်းညိုပြီး မွဲခြောက်ခြောက်ဖြစ်နေတယ်ဆိုရင်တော့ bareMinerals bareSkin Complete Coverage Serum Concealer ကို သုံးသင့်ပါတယ်။ သူက Hydrating concealer ဖြစ်တဲ့အတွက် ရေဓာတ်ဖြည့်ပေးပြီး မျက်ကွင်းညိုတာကိုလည်း ဖုံးပေးပါတယ်။

IT Cosmetics Bye Bye Under Eye Anti-Aging Concealer

မျက်ကွင်းညိုရုံတင်မဟုတ်ပဲ မျက်လုံးအောက်မှာ အရေးအကြောင်းတွေပါရှိနေပြီဆိုရင်တော့ IT Cosmetics Bye Bye Under Eye Anti-Aging Concealer ကိုသုံးပါ။ သူက Anti-Aging Concealer ဖြစ်လို့ မျက်ကွင်းညိုတာကိုလည်း ဖုံးပေးနိုင်သလို၊ မျက်လုံးအောက်က အရေးအကြောင်းတွေကိုလည်း ဖုံးပေးပါတယ်။

Maybelline New York Instant Age Rewind Eraser Dark Circles Concealer

မျက်ကွင်းညိုတာအတွက် စျေးသင့်တင့်ပြီး သုံးလို့ကောင်းတဲ့ Concealer မျိုးဆိုရင်တော့ Maybelline New York Instant Age Rewind Eraser Dark Circles Concealer ကိုသုံးပါ။ သူက မျက်ကွင်းညိုတာကို ကောင်းကောင်းဖုံးပေးနိုင်ပြီး မျက်လုံးအောက်က အရေးအကြောင်းတွေ၊ အမဲစက်တွေကိုလည်း ဖုံးပေးနိုင်ပါတယ်။