ခန္ဓာကိုယ်အကြောတွေတောင့်တင်းနေတာကို အမြန်ဆုံးသက်သာသွားစေမယ့် ယောဂကျင့်စဉ် ၅ မျိုး

အလုပ်ပင်ပန်းတဲ့သူတွေ၊ အထိုင်များတဲ့အလုပ် လုပ်ရတဲ့သူတွေ၊ ကွန်ပြူတာနဲ့တောက်လျှောက် အလုပ်လုပ်နေရတဲ့သူတွေက ခန္ဓာကိုယ်အကြောတွေ တောင့်တင်းနေတာမျိုး၊ ခါးနာတာ၊ ဇာတ်ကြောတက်တာမျိုးတွေ အရမ်းဖြစ်ပါတယ်။ ဒါကြောင့် ခန္ဓာကိုယ်အကြောတွေအားလုံး တောင့်တင်းနေတာကို အမြန်ဆုံးသက်သာသွားစေမယ့် ယောဂကျင့်စဉ် ၅ မျိုးကို ဖော်ပြပေးလိုက်ပါတယ်။ လုပ်ရတာလည်း အရမ်းလွယ်ကူလို့ အချိန်ပေးပြီး လုပ်ကြည့်သင့်ပါတယ်။

Cobra pose

ယောဂဖျာပေါ်မှာ ပုံမှာပြထားတဲ့ Cobra pose အတိုင်း အကြောတွေအားလုံးကိုဆန့်ထုတ်ပြီး ၁ မိနစ်ပြည့်အောင် နေပေးပါ။ ဒီလိုလုပ်ပေးခြင်းက ခါးနာတာနဲ့ ခန္ဓာကိုယ်အကြောတွေ တောင့်တင်းနေတာကို သက်သာစေပါတယ်။

Lizard pose

ယောဂဖျာပေါ်မှာ ပုံမှာပြထားတဲ့ Lizard pose အတိုင်း ၁ မိနစ်ပြည့်အောင်နေရမှာပါ။ မနေနိုင်ရင်တော့ စက္ကန့် ၃၀ နေပြီး ၅ စက္ကန့်နား၊ နောက်ထပ် စက္ကန့် ၃၀ ထပ်လုပ်လို့ရပါတယ်။ ဘယ်ခြေထောက်ကွေးပြီးထောက်တာက ၁ မိနစ်၊ ညာခြေထောက်ကွေးပြီးထောက်တာက ၁ မိနစ် လုပ်ရပါမယ်။

Downward dog pose

ပုံမှာပြထားတဲ့ Downward dog pose အတိုင်း ၁ မိနစ်ပြည့်အောင် နေပေးပါ။ ဒီလိုနေတဲ့အချိန်မှာ အသက်ကိုရှူသွင်းရှူထုတ် ပုံမှန်လုပ်ပေးပါ။ ဒီလိုလုပ်ပေးခြင်းက ခန္ဓာကိုယ်အကြောတွေ တောင့်တင်းနေတာကို သက်သာစေပြီး ခါးနာတာနဲ့ ဇာတ်ကြောတက်တာတွေပါ သက်သာစေပါတယ်။

Airplane pose

ပုံမှာပြထားတဲ့ Airplane pose အတိုင်း စက္ကန့် ၃၀ ပြည့်အောင်နေပေးပါ။ အချိန်ပြည့်သွားရင် နောက်ခြေထောက်တစ်ဖက်ကို ပြောင်းမြှောက်ပြီး စက္ကန့် ၃၀ ထပ်နေပေးပါ။ နှစ်ဖက်လုံးလုပ်ပြီးသွားရင် နောက်တစ်ကြော့ စက္ကန့် ၃၀ စီ ထပ်လုပ်ပေးရပါမယ်။

Shoulder stretches pose

Shoulder stretches pose ကိုလည်း ပုံမှာပြထားတဲ့အတိုင်း သေချာတူအောင် လုပ်ပေးပါ။ ဒူးထောက်ပြီး ခါးကဆန့်တန်းနေရပါမယ်။ လက်နှစ်ဖက်ကိုလည်း အရှေ့ကို ဆန့်ထုတ်ထားရပါမယ်။ အဲ့အတိုင်း ၁ မိနစ်ပြည့်အောင် နေပေးရုံပါပဲ။