မိန်းကလေးတိုင်းရဲ့အလှအပအတွက် မိတ်ကပ်လိမ်းတာကလည်း အရမ်းအရေးပါပါတယ်။ ဒါကြောင့် ဈေးနှုန်းသင့်တင့်ပြီး Quality ကောင်းကောင်းသုံးလို့ရမယ့် Foundation (၅) မျိုးကို ရွေးချယ်ပေးလိုက်ပါတယ်။

အားလုံးကလည်း တော်တော်များများနဲ့ အဆင်ပြေပြီး လူကြိုက်များတာလေးတွေဖြစ်တဲ့အပြင် ပေးရတဲ့ဈေးနဲ့ ရလာတဲ့ Quality ကလည်း အရမ်းကောင်းလွန်းပါတယ်။

Catrice Foundation

Photo Source: www.pinterest.com

Catrice က HD Liquid Coverage Foundation လေးကတော့ အရမ်းကို Coverage ကောင်းပါတယ်။ သူက မျက်နှာပေါ်မှာရှိတဲ့ အပြစ်အနာအဆာတွေအားလုံးကို ဖုံးပေးနိုင်ပါတယ်။ ဒါ့အပြင် မိတ်ကပ်သားလည်း ကြာရှည်ခံပါတယ်။ Oily Skin နဲ့ Combination Skin တွေအတွက် သင့်တော်တဲ့ Foundation လေးပါ။ ဈေးအနေနဲ့ကလည်း တစ်သောင်းကျော်ကျော်ပဲရှိတာမို့ ပေးရတဲ့ပမာဏနဲ့ ရလာတဲ့ Quality က အရမ်းတန်ပါတယ်။

Photo Source: www.pinterest.com

သူ့လိုပဲ Catrice က Velvet Finish Foundation ကလည်း တော်တော်လေးကောင်းပါတယ်။ HD Liquid Coverage နဲ့ အဆင်မပြေတဲ့သူတွေဆိုရင် Velvet Finish လေးကို သုံးပေးလို့ရပါတယ်။ သူလည်း Coverage တော်တော်ကောင်းပြီး မိတ်ကပ်သားကြာရှည်ခံပါတယ်။ ဈေးကလည်း တစ်သောင်းကျော်လောက်ပဲရှိတာပါ။

Maybelline Fit Me Foundation

Photo Source: www.hercampus.com

Maybelline Fit Me Foundation ဆိုရင်တော့ အားလုံးနဲ့ ရင်းနှီးပြီးသားဖြစ်မှာပါ။ Blogger တိုင်းလိုလို Recommend ပေးတဲ့ Foundation လေးပါ။ ရွေးချယ်စရာအရောင်တွေလည်း များတဲ့အတွက် ကိုယ်နဲ့ အဆင်ပြေတာကို ရွေးချယ်နိုင်ပါတယ်။ သူက မိတ်ကပ်သားကြာရှည်ခံတဲ့အပြင် မျက်နှာပေါ်မှာရှိတဲ့ အပြစ်အနာအဆာတွေကိုလည်း ဖုံးပေးနိုင်ပါတယ်။ Loose Powder လေးတွေနဲ့ တွဲသုံးပေးမယ်ဆိုရင်တော့ ပိုအဆင်ပြေစေမယ်လို့ ထင်ပါတယ်။ ဈေးနှုန်းကလည်း တစ်သောင်းစွန်းစွန်းလေးပဲ ရှိတာပါ။

L’Oreal True Match Liquid Foundation

Photo Source: www.leeviahan.com

L’Oreal True Match Liquid Foundation ကတော့ မျက်နှာပေါ်မှာရှိတဲ့ အပြစ်အနာအဆာတွေကို ဖုံးပေးပြီး မိတ်ကပ်သားလည်း ကြာရှည်ခံစေပါတယ်။ ကိုယ့်အသားအရေနဲ့လိုက်ဖက်တဲ့အရောင်ကို ရွေးချယ်ပြီးဝယ်ယူနိုင်ပါတယ်။ ဈေးနှုန်းကလည်း တစ်သောင်းကျော်ပဲရှိတာပါ။

NYX Stay Matte Foundation

Photo Source: www.shecharming.com

NYX Stay Matte Foundation လေးကတော့ မိတ်ကပ်သားကြာရှည်ခံပြီး လိမ်းထားရင်လည်း မိတ်ကပ်ကွက်တာမျိုးမဖြစ်ပဲ မိတ်ကပ်သားညက်ညက်လေးနဲ့ အရမ်းလှပါတယ်။ သူက အဆီပြန်တာကိုထိန်းပေးနိုင်လို့ Combination Skin နဲ့ Oily Skin သမားတွေအတွက် အဆင်ပြေစေမှာပါ။ Dry Skin အတွက်တော့ Matte ဖြစ်တဲ့အတွက် အဆင်မပြေပါဘူး။ ဈေးနှုန်းကတော့ တစ်သောင်းကျော်ပဲရှိတာပါ။

Bourjois Healthy Mix Serum Foundation

Photo Source: www.superdrug.com

Bourjois Healthy Mix Serum Foundation ကတော့ သစ်သီးအနံ့လေးနဲ့ လိမ်းလိုက်ရင် မိတ်ကပ်သားပါးပါးကြည်ကြည်လေး ဖြစ်နေစေပါတယ်။ သူလည်း Coverage ကောင်းတဲ့ မိတ်ကပ်တစ်ခုပါပဲ။ ဒါပေမယ့် အဆီပြန်တတ်တဲ့သူတွေအတွက်တော့ အဆင်ပြေမှာမဟုတ်ပါဘူး။ Combination Skin တွေတော့ သုံးလို့ရပါတယ်။ ဈေးနှုန်းကတော့ တစ်သောင်းကျော် နှစ်သောင်းဝန်းကျင်ပါ။

အခုပြောပြပေးသွားတဲ့ Foundation တွေကို သက်ဆိုင်ရာ Counter တွေနဲ့ Beauty Diary ဆိုင်တိုင်းမှာ ဝယ်ယူနိုင်ပါတယ်။