အဆီဖုရှိတဲ့သူတွေအတွက်အကောင်းဆုံးမျက်နှာသစ်ဆေး ၅ မျိုး

Skincare step တွေထဲမှာဆိုရင် cleansing step ကလည်း အရမ်းအရေးကြီးပါတယ်။ မျက်နှာသစ်ဆေးကို ရွေးသုံးတဲ့အခါမှာ ကိုယ့်မျက်နှာအသားအရေနဲ့ မတည့်တာမျိုး၊ အဆင်မပြေတာမျိုးကို သုံးမိရင် မျက်နှာမှာ အဆီဖုနဲ့ဝက်ခြံတွေ ပြုံပြီးထွက်လာတတ်ပါတယ်။ မျက်နှာသစ်ဆေးကြောင့်ပဲ ကိုယ့်ရဲ့အဆီဖုတွေ၊ ဝက်ခြံတွေ သက်သာလာတာမျိုးလည်း ရှိပါတယ်။

ဒါကြောင့် ကိုယ့်အသားအရေနဲ့ကိုက်ညီတဲ့ မျက်နှာသစ်ဆေးကို သေချာရွေးသုံးဖို့ လိုပါတယ်။ ဒီတစ်ခါမှာတော့ မျက်နှာမှာ အဆီဖုတွေအရမ်းထွက်လို့ စိတ်ညစ်နေတဲ့သူတွေအတွက် အကောင်းဆုံးမျက်နှာသစ်ဆေး ၅ မျိုးကို ဖော်ပြပေးလိုက်ပါတယ်။

1. CeraVe Hydrating Facial Cleanser (Dry Skin)

အရေပြားဆရာဝန်တွေအမြဲညွှန်းတဲ့ မျက်နှာသစ်ဆေးပဲ ဖြစ်ပါတယ်။ အသားခြောက်တဲ့သူတွေအတွက် အထူးသင့်တော်ပြီး အဆီဖုတွေပါ သက်သာလာစေပါတယ်။ တော်တော်များများနဲ့လည်းတည့်တဲ့ မျက်နှာသစ်ဆေးပါ။

2. Yes To Cucumbers Gentle Milk Face Wash (Normal to Dry)

Normal အသားအရေနဲ့ အသားခြောက်တဲ့ dry skin သမားတွေက အဆီဖုတွေရှိရင် ဒီမျက်နှာသစ်ဆေးကို သုံးနိုင်ပါတယ်။ သူက အဆီဖုတွေသက်သာစေပြီး gentle cleanser ဖြစ်တာကြောင့် sensitive skin တွေပါ သုံးလို့ရပါတယ်။

3. Sebamed Clear Face Cleansing Foam (Combination to Oily)

အဆီဖုတွေနဲ့ဝက်ခြံတွေ သက်သာစေတဲ့ မျက်နှာသစ်ဆေးပါပဲ။ သူကတော့ အဆီပြန်တဲ့ combination skin, oily skin တွေနဲ့ ပိုသင့်တော်ပါတယ်။

4. Cetaphil Daily Facial Cleanser (Normal to Oily)

သူလည်း အရေပြားဆရာဝန်တွေ ကိုယ်တိုင်ညွှန်းတဲ့ မျက်နှာသစ်ဆေးပါ။ Gentle cleanser ဖြစ်လို့ sensitive skin တွေနဲ့ normal skin ကနေစပြီး အဆီပြန်တဲ့ oily skin တွေအထိ သုံးလို့ရပါတယ်။ အဆီဖုနဲ့ဝက်ခြံတွေသက်သာစေတဲ့ မျက်နှာသစ်ဆေးဆိုလည်း မမှားပါဘူး။

5. CeraVe Foaming Facial Cleanser (Normal to Oily)

ဒီမျက်နှာသစ်ဆေးကတော့ amazon ရဲ့ နံပါတ်တစ် best seller ပါပဲ။ Normal အသားအရေကနေစပြီး အဆီပြန်တဲ့ oily skin တွေအထိသုံးလို့ရပါတယ်။ Hyaluronic acid ပါလို့ သစ်ပြီးရင် မျက်နှာက ခြောက်ခြောက်ကြီးဖြစ်ပြီး မကျန်ခဲ့ပါဘူး။ Niacinamide ပါလို့ အဆီဖုတွေနဲ့ ဝက်ခြံတွေ သက်သာစေပါတယ်။ ဒါ့အပြင် gentle cleanser ဖြစ်လို့ sensitive skin တွေပါ စိတ်ချလက်ချသုံးလို့ရပါတယ်။