ပေါင်အတွင်းဘက်မှာ အဆီတွေရှိနေလို့ ပေါင်တုတ်နေတဲ့သူတွေအတွက် ပေါင်အတွင်းဘက်ကအဆီတွေ လျော့ကျစေမယ့် အကောင်းဆုံးလေ့ကျင့်ခန်း ၅ မျိုးကို မျှဝေပေးလိုက်ပါတယ်။

Bridge Prop Squeeze

ပုံမှာလုပ်ပြထားတဲ့ အနေအထားအတိုင်းနေပြီး ဖြေးဖြေးချင်းစီ ကြမ်းပြင်နဲ့ ပြန်ထိပါ။ ပြီးရင် အဲ့အတိုင်းပြန်လုပ်ပါ။ အနေအထား ၂ မျိုးလုံးလုပ်ပြီးမှ ၁ ကြိမ်လို့ သတ်မှတ်ရပါမယ်။ အဲ့အတိုင်း အကြိမ် ၂၀၊ ၃၀ လောက် လုပ်ပေးပါ။

Butterfly Stretch

ပုံမှာလုပ်ပြထားသလို ခြေဖဝါးနှစ်ဖက်ကိုပူးကပ်ပြီး ထားပေးပါ။ မထိရင် လက်နဲ့ကိုင်ပြီးထိအောင် ကြိုးစားလုပ်ပါ။ အဲ့အတိုင်း စက္ကန့် ၃၀ နေပါ။ ပြီးရင် ခြေထောက်ကို ဒူးပြန်ထောင်လိုက်ပါ။ ပြီးရင် ပြန်လုပ်ပါ။ တစ်ခါလုပ်ရင် စက္ကန့် ၃၀ နေပေးပြီး အနည်းဆုံး ၁၅ ကြိမ်မှ အကြိမ် ၃၀ အထိ လုပ်ပေးရပါမယ်။

Lateral Lunges

ခြေထောက်ကိုစုနေပြီး ဒုတိယပုံထဲကလို လုပ်ပေးပါ။ ပြီးရင် ခြေထောက်ပြန်စုပါ။ အဲ့အတိုင်း အကြိမ် ၃၀ လုပ်ပေးပြီး အကြိမ်ရေပြည့်ရင် ခြေထောက်ကို ဘယ်ညာပြောင်းပြီး နောက်ထပ် အကြိမ် ၃၀ ထပ်လုပ်ပေးပါ။

Sumo Squats

ရိုးရိုး Squats ထိုင်တာမျိုးမဟုတ်ပဲ Sumo Squats ဖြစ်တဲ့အတွက် ခြေထောက်ကိုကားပြီး ပုံထဲကအတိုင်း လုပ်ပေးပါ။ အကြိမ် ၃၀ လုပ်ပေးရမှာပါ။

Lunges

ခြေထောက်ကို ပုံမှာလုပ်ပြထားတဲ့အတိုင်းလုပ်ပြီး စက္ကန့် ၃၀ နေပေးပါ။ အချိန်ပြည့်ရင် မတ်တပ်ပြန်ရပ်ပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို ၁၅ ကြိမ်စီလုပ်ပေးရပါမယ်။ တစ်ခါလုပ်ရင် စက္ကန့် ၃၀ နေရမှာ ဖြစ်ပါတယ်။