အသက်ကြီးလာတာနဲ့အမျှ အိုမင်းရင့်ရော်ခြင်းနဲ့ အရေးအကြောင်းတွေက ဖြစ်လာတာပါပဲ။ ဒီလို အိုမင်းရင့်ရော်ခြင်းနဲ့ အရေးအကြောင်းတွေ မြန်မြန်ဖြစ်မလာဖို့အတွက်နဲ့ ဖြစ်နေတာတွေလည်း ဒီထက်ပိုများမလာအောင် Facial Exercise လေးတွေ လုပ်ပေးသင့်ပါတယ်။ အသက် ၂၀ ကျော်လောက်ထဲက လုပ်ပေးရင်တော့ အကောင်းဆုံးပါပဲ။ ဒါကြောင့် လူတိုင်းလည်း အလွယ်တကူလိုက်လုပ်နိုင်အောင် Anti Aging အတွက် အလွယ်ကူဆုံးနဲ့အကောင်းဆုံး Facial Exercise (၅) မျိုးကို မျှဝေပေးလိုက်ပါတယ်။
Cheeky Face Exercise
ပုံမှာပြထားတဲ့ မျက်နှာထားအတိုင်းနေပြီး ပါးစပ်ကနေ လေကိုရှူသွင်းရှူထုတ် လုပ်ပေးရပါမယ်။ အဲ့အတိုင်းနေပြီး အနည်းဆုံး ၁၀ ကြိမ် ရှူသွင်းရှူထုတ် လုပ်ပေးရပါမယ်။
Surprised Face Exercise
လုံးဝကို Surprise ဖြစ်သွားတဲ့ မျက်နှာထားမျိုးလုပ်ရမှာပါ။ မျက်ခုံးကိုပင့်ပြီး ပါးစပ်ကိုကျယ်ကျယ်ဟရမှာပါ။ အဲ့အတိုင်း ၁၀ ကြိမ်လုပ်ပေးရပါမယ်။ ဒီလေ့ကျင့်ခန်းကလည်း Anti Aging အတွက် ထိရောက်တဲ့ လေ့ကျင့်ခန်းပါပဲ။ နဖူးကအရေးအကြောင်းတွေလည်း သိသိသာသာ လျော့ပါးလာစေပါတယ်။
Giraffe Face Exercise
ပုံမှာပြထားတဲ့အတိုင်း မျက်နှာကိုမော့ပြီး အနည်းဆုံး ၂၅ စက္ကန့် နေပေးရပါမယ်။ ဒီလေ့ကျင့်ခန်းကလည်း Anti Aging အတွက် အကောင်းဆုံးလေ့ကျင့်ခန်းတွေထဲက တစ်ခုပါပဲ။ လည်ပင်းအရေးအကြောင်းနဲ့ မေးစိနှစ်ထပ်ဖြစ်တာအတွက်လည်း အရမ်းထိရောက်ပါတယ်။
Frown Face Exercise
ပုံမှာပြထားတဲ့ မျက်နှာအနေအထားအတိုင်း လိုက်လုပ်ပြီး ၂ စက္ကန့်နေရပါမယ်။ အချိန်ပြည့်ရင် မျက်နှာထားကို ပုံမှန်အတိုင်း ပြန်နေပါ။ ပြီးရင်တော့ ပြန်လုပ်ပေးပါ။ အဲ့အတိုင်း ၁၀ ကြိမ်ပြည့်အောင် လုပ်ပေးရပါမယ်။ ဒီလေ့ကျင့်ခန်းကတော့ မျက်အိတ်ဖောင်းတာနဲ့ မျက်လုံးအောက်က အရေးအကြောင်းတွေ၊ မျက်ခွံပေါ်က အရေးအကြောင်းတွေကို သက်သာစေပါတယ်။
Clown Face Exercise
ပုံမှာပြထားတဲ့အတိုင်း နှုတ်ခမ်းကိုစိပြီး ကျယ်ကျယ်လေးပြုံးပေးရမှာပါ။ အဲ့လိုပြုံးနေတဲ့ မျက်နှာထားနဲ့ ၅ စက္ကန့် နေပေးရပါမယ်။ အချိန်ပြည့်ရင်တော့ ပုံမှန်မျက်နှာထားအတိုင်းပြန်နေပြီး ထပ်လုပ်ပေးပါ။ ၁၀ ကြိမ်လုပ်ပေးရပါမယ်။ ဒီလေ့ကျင့်ခန်းကတော့ မျက်နှာပေါ်က အရေးအကြောင်းတွေ Smile Lines တွေကို သက်သာလာစေပါတယ်။
