ရုံးတက်နေရတဲ့ မိန်းကလေးတွေရဲ့အိတ်ထဲမှာ ဆောင်ထားသင့်တဲ့ Beauty Product (၅) မျိုးကို ဖော်ပြပေးလိုက်ပါတယ်။ တချို့အရာတွေကတော့ မဖြစ်မနေ ဆောင်ထားသင့်တာတွေဖြစ်ပြီး တချို့အရာတွေကတော့ အလှကြိုက်တတ်ရင် ဆောင်ထားသင့်တာတွေ ဖြစ်ပါတယ်။
နှုတ်ခမ်းနီ
နှုတ်ခမ်းနီကတော့ ရုံးတက်နေရမှမဟုတ်ပါဘူး မိန်းကလေးတိုင်းရဲ့အိတ်ထဲမှာ ဆောင်ထားသင့်တဲ့ Beauty Product တစ်ခုပါပဲ။ နေမကောင်းဖြစ်နေရင်တောင်မှ၊ ရုပ်ကမလန်းမဆန်းဖြစ်နေရင်တောင်မှ နှုတ်ခမ်းနီလေးဆိုးလိုက်ရင် အဆင်ပြေသွားပါတယ်။
Setting Powder (သို့) Compact Powder
ချွေးထွက်လာလို့ မိတ်ကပ်ပျက်သွားတဲ့အခါ၊ မိတ်ကပ်တွေကွက်လာတဲ့အခါ၊ အချိန်ကြာလို့ မျက်နှာမဲလာတဲ့အခါ၊ အိမ်ပြန်တဲ့အခါ၊ အလုပ်ကိစ္စနဲ့ အပြင်သွားရတဲ့အခါတွေမှာ မျက်နှာလေး ပိုကြည့်ကောင်းပြီး လှနေစေဖို့ Setting Powder (သို့) Compact Powder ကို ထပ်သုံးပေးလို့ရပါတယ်။ ဒါကြောင့် ရုံးတက်နေရရင် အိတ်ထဲမှာ Setting Powder (သို့) Compact Powder ကိုဆောင်ထားပါ။
Sun Spray
ရုံးသွားတိုင်းမှာ Sunscreen လိမ်းသွားပေမယ့် အချိန်ကြာလာတဲ့အခါ၊ အလုပ်ကိစ္စကြောင့် နေပူထဲ အပြင်တွေသွားရမယ်ဆိုရင် နေရောင်ခြည်ဒဏ်ကို အပြည့်အဝကာကွယ်နိုင်ဖို့အတွက် Sun Spray လေးဆောင်ထားပြီး ထုတ်ဖြန်းပေးပါ။ ဒါကတော့ အလှကြိုက်တဲ့သူနဲ့ အသားအရေကို ဂရုစိုက်တတ်တဲ့သူတွေအတွက် မရှိမဖြစ်လိုအပ်ပါတယ်။
ဘီး
မိန်းကလေးတိုင်းရဲ့အိတ်ထဲမှာ အမြဲဆောင်ထားသင့်တဲ့ Beauty Product တွေထဲမှာဆိုရင် ဘီးလည်းပါပါတယ်။ ရုံးတက်နေရတဲ့သူတွေဆိုရင် ပိုတောင်လိုအပ်ပါသေးတယ်။ ဆံပင်ကြီးက ရှုပ်ပွနေရင် အဆင်မပြေပါဘူး။ မသပ်ရပ်တဲ့ပုံစံမျိုး ဖြစ်စေပါတယ်။
မှန်
မိန်းကလေးတိုင်းရဲ့အိတ်ထဲမှာ အမြဲဆောင်ထားသင့်တဲ့ နောက်ဆုံး Beauty Product ကတော့ မှန်ဖြစ်ပါတယ်။ ကိုယ်သုံးတဲ့ Setting Powder (သို့) Compact Powder တွေမှာ မှန်ပါပြီးသားဆိုရင်တော့ မှန်ကိုသပ်သပ်ထည့်နေစရာ မလိုတော့ဘူးပေါ့။
