ဆာဂျရီလုပ်စရာမလိုပဲရင်သားတင်းရင်းလာစေဖို့ ကူညီပေးမယ့်ယောဂကျင့်စဉ် ၅ မျိုး

ရင်ဆိုဒ်သေးတယ်ဆိုရင်တောင်မှ ရင်သားတင်းရင်းနေရင် လှပါတယ်။ ဒါကြောင့် အသားအနာခံပြီး ဆာဂျရီလုပ်စရာမလိုပဲ ရင်သားတင်းရင်းလာစေဖို့ ကူညီပေးမယ့် ယောဂကျင့်စဉ် ၅ မျိုးကို မျှဝေပေးလိုက်ပါတယ်။ ရင်သားတင်းရင်းပြီး ပုံစံကျလှပချင်တယ်ဆိုရင်တော့ နေ့တိုင်း အချိန်နည်းနည်းပေးပြီး ဒီယောဂကျင့်စဉ်တွေကို လုပ်ပေးသင့်ပါတယ်။

Triangle Pose

ပုံမှာပြထားတဲ့ Triangle Pose အတိုင်း အကြောတွေအားလုံးကို ဆန့်ထုတ်ပြီး လုပ်ပေးရမှာပါ။ အဲ့ပုံစံအနေအထားနဲ့ အသက်ကိုရှူသွင်းရှူထုတ် သေချာအာရုံစိုက်လုပ်ပေးပါ။ ပြီးရင် မတ်တပ်ပြန်ရပ်ပါ။ ပြီးရင် ထပ်လုပ်ပါ။ ဘယ်ညာတစ်လှည့်စီ လုပ်ပေးရမှာဖြစ်ပြီး အနည်းဆုံး ၁ မိနစ်ကြာအောင် လုပ်ပေးရပါမယ်။

Bow Pose

ပုံမှာပြထားတဲ့ Bow Pose အတိုင်းသေချာလုပ်ပြီး မျက်စိမှိတ်ကာ အသက်ကို ခပ်ပြင်းပြင်းလေး ရှူသွင်းရှူထုတ်လုပ်ပေးပါ။ အဲ့အတိုင်း ၁၀ စက္ကန့်လောက်နေပြီးတော့မှ ပုံမှန်အနေအထားနဲ့ ပြန်နေပါ။ ပြီးရင် ထပ်လုပ်ပေးပါ။ အနည်းဆုံး ၁၅ ကြိမ်တော့ လုပ်ပေးရပါမယ်။

Camel Pose

Camel Pose ကတော့ ဒူးထောက်ပြီး ပုံမှာပြထားတဲ့အတိုင်း ခန္ဓာကိုယ်ကို နောက်လှန်ပြီး လက်ဖဝါးနှစ်ဖက်က ခြေဖဝါးကို ထိထားရပါမယ်။ အဲ့ပုံစံနဲ့ အသက်ကိုရှူသွင်းရှူထုတ် အာရုံစိုက်ပြီး လုပ်ပေးပါ။ အဲ့အတိုင်း ၁၀ စက္ကန့်လောက်နေပြီးတော့မှ ပုံမှန်အနေအထားနဲ့ ပြန်နေပါ။ ပြီးရင် ဆက်တိုက်ထပ်လုပ်ပေးပါ။ အနည်းဆုံးတော့ ၁၅ ကြိမ်လုပ်ပေးပါ။

Cobra Pose

ပုံမှာပြထားတဲ့ Cobra Pose အတိုင်းနေပေးခြင်းကလည်း ရင်သားတင်းရင်းစေဖို့ ကူညီပေးပါတယ်။ အနည်းဆုံး ၁ မိနစ်ကြာအောင် လုပ်ပေးပါ။ ဆက်တိုက်မနေနိုင်ရင် စက္ကန့် ၃၀ စီ ခွဲပြီးနေပေးလို့ရပါတယ်။

Warrior Pose

Warrior Pose ကိုလုပ်တဲ့အခါမှာ ပုံမှာပြထားတဲ့အတိုင်း သေချာလုပ်ပေးပါ။ အားလုံးကိုဆန့်တန်းထားရပါမယ်။ အဲ့ပုံစံနဲ့ အနည်းဆုံး ၁၀ စက္ကန့်ကြာအောင်နေပေးပါ။ အဲ့လိုနေနေတဲ့အချိန်မှာ အသက်ကိုရှူသွင်းရှူထုတ် အာရုံစိုက်လုပ်ပေးပါ။ ပြီးရင် ပုံမှန်အနေအထားနဲ့ ပြန်နေပါ။ ပြီးရင်ထပ်လုပ်ပါ။ ဒီယောဂကျင့်စဉ်ကိုလည်း အနည်းဆုံး ၁၅ ကြိမ်တော့ လုပ်ပေးရပါမယ်။