အလုပ်အင်တာဗျုးသွားတဲ့အခါမှာ ဆံပင်က သပ်သပ်ရပ်ရပ်ဖြစ်နေဖို့ အရေးကြီးပါတယ်။ ဆံပင်ချပြီး ရှုပ်ပွနေရင် အဆင်မပြေပါဘူး။ ယောင်္ကျားလေးဆိုရင်တော့ ဆံပင်ကို သေချာဖြီးလိမ်းသွားရင် ရနေပါပြီ။ မိန်းကလေးကျတော့ ဆံပင်ရှည်တဲ့အတွက် သေချာပြင်ဆင်ရပါတယ်။
ဒီလို အလုပ်အင်တာဗျုးသွားတဲ့အခါမှာ ပြင်ဆင်ထားတာက heavy လည်းဖြစ်မနေပဲ သပ်သပ်ရပ်ရပ်နဲ့လှနေစေမယ့် ဆံပင်ပြင်ဆင်ပုံ ၅ မျိုးကို ဖော်ပြပေးလိုက်ပါတယ်။ အလွယ်တကူပြင်လို့ရတဲ့ ဆံပင်ပုံစံတွေကို ရွေးပြီးဖော်ပြထားတာဖြစ်လို့ အချိန်မပေးနိုင်တဲ့သူတွေအတွက်လည်း အဆင်ပြေပါတယ်။
Crossover low ponytail
ဒီဆံပင်ပြင်ဆင်ပုံဆိုရင် ရှင်းရှင်းလေးနဲ့ ပုံစံဆန်းပြီး အရမ်းလှပါတယ်။ ဆံပင်ကို လှလှပပလေးပြင်ဆင်ရတာ ကြိုက်တဲ့သူတွေအတွက် ရွေးချယ်သင့်တဲ့ပုံစံလေးပါ။ သပ်သပ်ရပ်ရပ်နဲ့ မျက်နှာလေးရှင်းပြီးလှနေမှာမို့ အလုပ်အင်တာဗျူးသွားတဲ့အခါမှာ အရမ်းအဆင်ပြေပါတယ်။
Sleek bun
Sleek bun လို့ခေါ်တဲ့ ဒီလိုအောက်လျှော်ဆံထုံးလေးကလည်း အလုပ်အင်တာဗျူးသွားတဲ့အခါမှာ ပြင်ဆင်သွားသင့်တဲ့ ဆံပင်ပုံစံမျိုးပါ။ သပ်သပ်ရပ်ရပ်နဲ့ မျက်နှာလေးရှင်းပြီး ကိုယ့်ကိုယ်ကိုယုံကြည်မှုရှိတဲ့ look မျိုး ရစေပါတယ်။
Half Up Half Down
Half Up Half Down လို့ခေါ်တဲ့ ဆံပင်ကို သပ်သပ်ရပ်ရပ်လေးဖြစ်အောင် တစ်ဝက်စည်းတာမျိုးကလည်း အလုပ်အင်တာဗျူးအတွက် အဆင်ပြေပါတယ်။ ဆံပင်အကုန်စုစည်းတာမျိုး မလုပ်ချင်ရင် ဒီလိုလေးသာ ပြင်ဆင်သွားပါ။ မျက်နှာရှင်းရှင်းလေးနဲ့ အရမ်းလှပါတယ်။
Braided
ဆံပင်ကို အားလုံးစုပြီး ကျစ်ဆံမြီးကျစ်တာကလည်း မျက်နှာလေးရှင်းပြီး သပ်သပ်ရပ်ရပ်ဖြစ်စေလို့ အလုပ်အင်တာဗျူးသွားတဲ့အခါမှာ ပြင်ဆင်သွားသင့်တဲ့ ဆံပင်ပုံစံပါပဲ။
Ponytail
ဆံပင်ကို ဘာမှထွေထွေထူးထူး မလုပ်ချင်ရင်တော့ ဆံပင်ကို အပြောင်သိမ်းပြီး ponytail သာ စည်းသွားပါ။ အမြင့်လေးစည်းထားတာဆိုတော့ သပ်သပ်ရပ်ရပ်နဲ့ မျက်နှာလည်းရှင်းပြီး ကိုယ့်ကိုယ်ကိုယုံကြည်မှုရှိတဲ့ပုံစံမျိုး ဖြစ်စေပါတယ်။
