ကြည်လင်စိုပြေတဲ့ အသားအရေကို ပိုင်ဆိုင်ဖို့ အခြေခံ အရေးကြီးတဲ့ အဆင့်က Cleansing Step ပါ။ မှန်မှန်ကန်ကန် သန့်ရှင်းရေး လုပ်တဲ့အခါ သင့်အသားအရေ နဂိုကထက် ပိုကောင်းလာပါလိမ့်မယ်။ သင်က အပြစ်အနာအဆာ ကင်းစင်တဲ့ မျက်နှာကို ပိုင်ဆိုင်ချင်တယ်ဆိုရင်တော့ ဒီအချက်တွေကို အတတ်နိုင်ဆုံး လိုက်နာသင့်ပါတယ်။

၁။ မျက်နှာနဲ့ နီးတဲ့ ဆံကြောင်း တစ်လျှောက်

Photo Source: Advent Hair Blog

မျက်နှာသစ်တဲ့အချိန် မျက်နှာနဲ့ နီးတဲ့ ဆံကြောင်း တစ်လျှောက်ကို ပါ သန့်စင်ပေးသင့်ပါတယ်။ ဘာကြောင့် သန့်စင်ပေးသင့်တာလဲဆိုတော့ ဆံပင်အတွက် သုံးတဲ့ အလှကုန်တွေဟာ အသားအရေ ချွေးပေါက်ကို ပိတ်ဆို့စေနိုင်ပါတယ်။ ဒါကြောင့် ဒီနေရာကို မျက်နှာသစ်သလို သန့်ရှင်းပေးဖို့ လိုပါတယ်။

၂။ သန့်ရှင်းပေးတဲ့ Device

Photo Source: Elle

မျက်နှာသန့်စင်ပေးတဲ့ Scrub Brush မျိုး ကို သုံးပေးသင့်ပါတယ်။ ရိုးရိုး Scrub Brush ကို သုံးနိုင်သလို စက်နဲ့ သန့်ရှင်းရတဲ့ Facial Brush မျိုးကိုလည်း သုံးနိုင်ပါတယ်။ ဒီလို Brush မျိုးတွေ သုံးပေးမှ အသားအရေ အတွင်းထဲ အထိ နက်နက်ရှိုင်းရှိုင်း သန့်ရှင်းသွားစေပါတယ်။

၃။ မိတ်ကပ် ဖျက်တဲ့ တစ်ရှူးအစား

Photo Source: Pinterest

မိတ်ကပ် ဖျက်တဲ့အခါ Tissue Remover ဒါမှမဟုတ် မိတ်ကပ်ဖျက်ဆေးနဲ့ သန့်ရှင်းမယ့်အစား Double Cleanse Procedure ကို သုံးသင့်ပါတယ်။ ဒီ Procedure ရဲ့ ပထမအဆင့်ကတော့ အဆီဓာတ်ပါတဲ့ Cleanser ကို သုံးရပါမယ်။ အဆီဓာတ် Cleanser နေရာမှာ Cream Cleanser ကို သုံးနိုင်ပါတယ်။ ဒုတိယ အဆင့်မှာတော့ ရေဓာတ်အခြေခံတဲ့ မျက်နှာသစ်ဆေးကို သုံးပေးသင့်ပါတယ်။

၄။ လက်နှစ်ဖက်ပေါ်

Photo Source: Health London

မျက်နှာသစ်ဆေးကို မျက်နှာပေါ် တိုက်ရိုက်မတင်ဘဲ လက်နှစ်ဖက်ပေါ် အရင်တင်ပြီး ပွတ်ပေးသင့်ပါတယ်။ ပြီးနောက်မှ မျက်နှာပေါ် ဖြန့်ပေးသင့်ပါတယ်။

၅။ မျက်နှာသန့်စင်တဲ့အခါ

Photo Source: Pinterest

မျက်နှာသန့်စင်တဲ့အချိန် မျက်နှာသစ်ဆေး မျက်နှာပေါ် တင်ပြီးတဲ့အခါ စက္ကန့် ၃၀ ကြာ ပွတ်ပေးသင့်ပါတယ်။ ဒီထက် အချိန်နည်းမယ်ဆိုရင်တော့ လုံလုံလောက်လောက် မျက်နှာ သန့်စင်သွားမှာမဟုတ်ပါဘူး။

By MyStyle Myanmar