အိပ်ယာနိုးတာနဲ့ မနက်ခင်းမှာ လုပ်မိနေတဲ့ မကောင်းတဲ့အလေ့အကျင့်တွေကြောင့် သင့်တစ်နေ့တာမှာ အဆင်မပြေတာမျိုး၊ စိတ်မကြည်လင်တာ မျိုးတွေ ဖြစ်တတ်ပါတယ်။ ဒါကြောင့် တစ်နေ့တာလုံး စိတ်မကြည်မလင်ဖြစ်အောင် မနက်ခင်းမှာ သင်ပြုလုပ်မိနေတဲ့အမှားတွေကို ပြောပြပေးလိုက်ပါတယ်။

အိပ်ယာနိုးနိုးချင်းမထပဲ အချိန်ဆွဲပြီးဆက်နေတာ

အိပ်ယာနိုးနိုးချင်းမထပဲနဲ့ အချိန်တွေဆွဲပြီး အိပ်ယာထဲမှာ ဆက်နေတာက နုံးပြီးပျင်းရိစေတယ်။ ကိုယ်ရောစိတ်ပါ မကြည်မလင်ဖြစ်စေတယ်။ လန်းဆန်းတက်ကြွမှုလည်း မရှိပဲ ထိုင်းမှိုင်းနေပါလိမ့်မယ်။

အိပ်ယာမထသေးပဲ ဖုန်းအကြာကြီးသုံးနေတာ

အိပ်ယာနိုးတာနဲ့ မထသေးပဲ အိပ်နေရင်းနဲ့ ဖုန်းအကြာကြီးသုံးနေတာမျိုးက ခေါင်းမကြည်မလင်ဖြစ်စေတယ်၊ စိတ်မကြည်မလင်ဖြစ်စေတယ်။ ကိုယ်လက်မအီမသာဖြစ်စေပါတယ်။

အိပ်ယာထတာနဲ့ ရေနွေးနဲ့ရေချိုးတာ

အိပ်ယာထတာနဲ့ ရေအေးနဲ့ပဲ ရေချိုးပါ။ ရေနွေးနဲ့ ရေချိုးလိုက်တာက အပူတွေငုပ်သွားစေတယ်။ လန်းဆန်းမှုလည်း မရှိတော့ပါဘူး။

မနက်စာမစားတာ

မနက်စာကို အလွတ်မခံသင့်ပါဘူး။ မနက်စာမစားပဲနေတာက ကြာလာရင် မကောင်းပါဘူး။ တစ်နေ့တာလုံး လန်းဆန်းတက်ကြွပြီး ကိုယ်ခံအားပြည့်ဝနေချင်ရင် မနက်စာကို သေချာစားပါ။

အိပ်ယာနိုးတာနဲ့စိတ်ညစ်စရာတွေတွေးနေတာ

အိပ်ယာနိုးတာနဲ့ စိတ်ကိုကြည်ကြည်လင်လင်ထားပါ။ စိတ်ညစ်စရာတွေ မတွေးပါနဲ့။ အိပ်ယာကနိုးတာနဲ့ စိတ်ညစ်စရာတွေတွေးပြီ ပူပင်နေမယ်ဆိုရင် တစ်နေ့တာလုံး စိတ်ညစ်နေရပါလိမ့်မယ်။