အခုခေတ်လိုမျိုး အိုင်ဒေါလ်တွေ တအားကို ကျော်ကြားလူကြိုက်များလာတဲ့ အချိန်မှာတော့ ဆွေမျိုးတွေ ရှိနေနိုင်တယ်ဆိုတာကတော့ မထူးဆန်းတော့ပါဘူးနော်။ အခုတစ်ခါမှာတော့ ကေပေါ့အသိုင်းအဝိုင်းထဲကမှ 4th & 5th Generation Idols တွေရဲ့ ဆွေမျိုးတော်စပ်ကြသူတွေကို ဖော်ပြပေးသွားမှာဖြစ်ပါတယ်။
1. Belle (Kiss Of Life)
Kiss Of Life အဖွဲ့ဝင် Belle ကတော့ သူမရဲ့ အနုပညာရှင်သွေးကို သူမရဲ့ အဖေဖြစ်သူဆီက ရရှိခဲ့တာပါ။ သူမရဲ့အဖေဟာ ၉၀ ခုနှစ်တုန်းက တော်တော်လေး လူကြိုက်များရေပန်းစားခဲ့တဲ့ အဆိုတော် Shim Shin ပဲ ဖြစ်ပါတယ်။
2. Chaewon (LE SSERAFIM)
လက်ရှိဟော့ဖြစ်နေတဲ့ အမျိုးသမီးကေပေါ့အဖွဲ့ LE SSERAFIM ရဲ့ ခေါင်းဆောင် Chaewon ကတော့ ဝါရင့်သရုပ်ဆောင်မင်းသမီးကြီး Lee Ran Hee ရဲ့ သမီးပဲဖြစ်ပါတယ်။ သူမက သရုပ်ဆောင်သာမက Musical ပိုင်းမှာလည်း တော်တော်လည်း လေးစားခံရတဲ့ ပုဂ္ဂိုလ်ဖြစ်ပါတယ်။
3. Kim Nakyoung (TripleS)
TripleS အဖွဲ့ဝင် Kim Nakyoung ရဲ့ အစ်မကတော့ တခြားမဟုတ်ဘဲ မိန်းကလေးပရိတ်သတ် တော်တော်များများကြိုက်ကြတဲ့ အဆိုတော် BIBI ပဲ ဖြစ်ပါတယ်။
4. Sieun (STAYC)
တချိန်က ပရိတ်သတ်တွေ တော်တော်သတိထားမိခဲ့ကြတဲ့ ကလေးသရုပ်ဆောင် Sieun ကတော့ အခုဆို STAYC အဖွဲ့ဝင်ဖြစ်နေပါပြီ။ သူမရဲ့ အဖေကတော့ ၈၀ ခုနှစ်တုန်းက တောင်ကိုရီးယားဂီတလောကကို လွှမ်းမိုးခဲ့တဲ့ အဆိုတော် Park Nam Jung ပဲ ဖြစ်ပါတယ်။
5. Bang Yedam
TREASURE အဖွဲ့ဝင်ဟောင်း Bang Yedam ကတော့ အခုဆို တစ်ကိုယ်တော် လှုပ်ရှားမှုတွေ ပြုလုပ်နေပြီးတော့ မိဘနှစ်ပါးလုံးရဲ့ အနုပညာသွေးပါတဲ့ သားလေးဖြစ်ပါတယ်။ သူ့ရဲ့အဖေ Bang Dae Sik က ကျော်ကြားတဲ့ သီချင်းရေးဆရာဖြစ်ပြီး အမေဖြစ်သူ Jung Mi Young ကလည်း အဆိုတော်ပါ။
6. SongSun (TRI.BE)
TRI.BE အဖွဲ့ဝင် SongSun ရဲ့ ဆွေမျိုးက ဘယ်သူဖြစ်မလဲဆိုတာ စဥ်းစားမိမယ်တောင်မထင်ပါဘူးနော်။ သူမကတော့ Girls’ Generation အဖွဲ့ဝင်နဲ့ သရုပ်ဆောင် Yuri ပဲ ဖြစ်ပါတယ်။
7. Anton (RIIZE)
အခုတလော ဟော့ဖြစ်နေတဲ့ အမျိုးသားကေပေါ့အဖွဲ့သစ် RIIZE ရဲ့ အငယ်ဆုံးလေး Anton ကိုလည်း ချန်ထားခဲ့လို့မရပါဘူးနော်။ သူ့ရဲ့အဖေကတော့ နာမည်ကျော် သီချင်းထုတ်လုပ်သူနဲ့ အဆိုတော် Yoo Sang ဖြစ်ပြီး အမေကတော့ သရုပ်ဆောင် Shim Hye Jin ပါ။
