ကိုယ်အလေးချိန်လျှော့ချဖို့အတွက်ဆိုရင် အစားလျှော့တာချည်းပဲမလုပ်ပါနဲ့။ Exercise လည်းတွဲလုပ်ပေးသင့်ပါတယ်။ ဒါဆိုရင် ပိုပြီးထိရောက်တာပေါ့။ ဒီလို Exercise လုပ်ရမှာပျင်းတဲ့သူတွေလည်း အဆင်ပြေအောင် ကိုယ်အလေးချိန်လျှော့ချဖို့အတွက် လုပ်ရတာလွယ်ကူတဲ့ Japanese Exercise 4 မျိုးကို မျှဝေပေးလိုက်ပါတယ်။
Reverse Crunches
Reverse Crunches က ဗိုက်အဆီတွေ သိသိသာသာလျော့ကျစေပြီး ပေါင်အဆီလည်းကျစေမယ့် Exercise ဖြစ်ပါတယ်။
ပုံမှာလုပ်ပြထားတဲ့အတိုင်းလုပ်ပြီးမှ 1 ကြိမ်လို့သတ်မှတ်ပြီး စုစုပေါင်း အကြိမ် 30 လုပ်ပေးရပါမယ်။ ဆက်တိုက်မလုပ်နိုင်ရင် 10 ကြိမ်လုပ်ပြီး ခဏနား၊ ပြီးရင် ထပ်လုပ်ပါ။
Ball Twist
Ball Twist ကလည်း ကိုယ်အလေးချိန်လျှော့ချဖို့အတွက် အကောင်းဆုံး Exercise တစ်ခု ဖြစ်ပါတယ်။
ကြမ်းပြင်မှာ ဒူးကွေးထိုင်ပြီး Exercise Ball ကိုကိုင်ထားပါ။ ကျောကို တည့်တည့်မတ်မတ်ထားပြီး နောက်ကို နည်းနည်းစောင်းထားပါ။ ပြီးရင် ခန္ဓာကိုယ်ကို ဘယ်ဘက်လှည့်ပြီး ဘောလုံးကို ဘယ်ဘက်တင်ပါးနား ပို့ပါ။ ပြီးရင် ရှေ့ကိုပြန်လှည့်ပါ။ ပြီးမှ ခန္ဓာကိုယ်ကို ညာဘက်လှည့်ပြီး ဘောလုံးကို ညာဘက်တင်ပါးနား ပို့ပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို အနည်းဆုံး အကြိမ် 20 လုပ်ပေးရပါမယ်။
Taiso
နှစ် 100 နီးပါးရှိပြီဖြစ်တဲ့ Taiso က ဂျပန်ရိုးရာ ကိုယ်လက်လှုပ်ရှားလေ့ကျင့်ခန်းတစ်မျိုး ဖြစ်ပါတယ်။ Stretching, Aerobic Exercise, Strength Training တို့ပေါင်းစပ်ထားတာမျိုးပါ။
အနှေးပြေးတာကို 5 မိနစ်လောက်လုပ်ပြီးရင် အကြောတွေဆန့်ထုတ်လိုက်ပါ။ ခြေထောက်၊ လက် အားလုံးပါပါတယ်။ အဲ့လိုမျိုးကို 10 မိနစ်လောက်လုပ်ပါ။ ပြီးရင် ခဏလမ်းလျှောက်တာ၊ အနှေးပြေးတာမျိုး ထပ်လုပ်ပေးပါ။
Roll-ups
ဗိုက်အဆီ၊ ခါးအဆီတွေကို လျှော့ချပေးပြီး ကိုယ်အလေးချိန်ကိုလည်း လျှော့ချပေးမယ့် Exercise ဖြစ်ပါတယ်။
အရင်ဆုံး ယောဂဖျာပေါ်မှာလှဲပြီးတော့ ခြေထောက်ကိုဆန့်၊ လက်နှစ်ဖက်ကိုလည်း အပေါ်မြှောက်ပြီး ဆန့်ထားပါ။ ပြီးရင် ဗိုက်မှာအားထည့်ပြီး ဒုတိယပုံထဲကလို နည်းနည်းထလိုက်ပါ။ လက်ဆန့်ထုတ်ထားတာကို လုံးဝမချရပါဘူး။ ပြီးရင် တတိယပုံထဲကလို ခါးကိုမတ်လိုက်ပါ။ လက်နှစ်ဖက်ကိုလည်း အရှေ့ဆန့်ထားပါ။
အဲ့လိုပုံစံ 3 မျိုးလုံးလုပ်ပြီးတော့မှ 1 ကြိမ်လို့သတ်မှတ်ပြီး စုစုပေါင်း 10 ကြိမ်လုပ်ပေးပါ။ 10 ကြိမ်ပြည့်ရင် ခဏရပ်နားပြီး နောက်ထပ် 10 ကြိမ် ထပ်လုပ်ပေးရမှာ ဖြစ်ပါတယ်။
