ဆံပင်အရှည်နှေးတဲ့သူတွေအတွက် ဆံပင်အရှည်မြန်လာစေဖို့၊ ဆံသားသန်စွမ်းလာစေဖို့ ကူညီပေးမယ့် ဆံပင်ပေါင်းတင်နည်း ၄ မျိုးကို မျှဝေပေးလိုက်ပါတယ်။ အိမ်မှာ အလွယ်တကူလုပ်လို့ရတဲ့ နည်းလမ်းတွေဖြစ်ပြီးတော့ ထိရောက်မှုလည်းရှိတာကြောင့် အသုံးဝင်မှာပါ။
ရှားစောင်းလက်ပတ်နဲ့ပေါင်းတင်ခြင်း
ရှားစောင်းလက်ပတ်က ဆံသားသန်စွမ်းပြီး အုံထူလာစေဖို့ အထောက်အကူပြုပါတယ်။ ဒါကြောင့် ရှားစောင်းလက်ပတ်အပင်ကိုယူပြီး အတွင်းသားကိုယူပြီး ဦးရေပြားကို တိုက်ရိုက်ပွတ်ပေးတာပဲဖြစ်ဖြစ်၊ ကြိတ်ချေပြီးမှ ဦးရေပြားနဲ့ ဆံသားအနှံ့လိမ်းပေးတာမျိုးပဲဖြစ်ဖြစ် လုပ်ပေးပါ။ နာရီဝက်လောက်ထားပြီးမှ ခေါင်းလျှော်လိုက်ပါ။ တစ်ပတ်တစ်ကြိမ် ပုံမှန်လုပ်ပေးမယ်ဆိုရင် ဆံသားသန်စွမ်းပြီး အရှည်မြန်လာမယ်၊ အုံထူလာပါမယ်။
ကြက်ဆူဆီနဲ့ပေါင်းတင်ခြင်း
ဆံပင်အရှည်နှေးတဲ့အပြင် ဦးရေပြားခြောက်ပြီး ဗောက်လည်းရှိတယ်ဆိုရင် ဒီနည်းလမ်းနဲ့ ဆံပင်ပေါင်းတင်ကြည့်ပါ။ ကြက်ဆူဆီကို ပန်းကန်လုံးအသေးထဲထည့်ပြီး microwave ထဲ စက္ကန့်လောက်ထည့်ပါ။ ပြီးရင်အပြင်ထုတ်ပြီး သုံးလို့ရပါပြီ။ ဦးရေပြားကို သေချာနှံ့အောင် အရင်လိမ်းပါ။ ပြီးမှ ဆံသားကိုလိမ်းပါ။ ၁၅ မိနစ်ထားပြီးရင်တော့ ခေါင်းလျှော်လို့ရပါပြီ။
အုန်းဆီ၊ ပျားရည်၊ ထောပတ်သီးအဆီနဲ့ပေါင်းတင်ခြင်း
ဆံပင်အရှည်နှေးတဲ့အပြင် ဆံသားလည်းဖွာတယ်ဆိုရင် ဒီနည်းလမ်းနဲ့ ပေါင်းတင်ပါ။ ဆံပင်အရှည်မြန်ပြီး ဆံသားတောက်ပြောင်လာစေပါတယ်။ လုပ်ရမယ့်နည်းလမ်းကတော့ အုန်းဆီ – လက်ဖက်ရှည်ဇွန်း ၁ ဇွန်းကို ပျားရည် – လက်ဖက်ရှည်ဇွန်း ၁ ဇွန်း၊ ထောပတ်သီး – စားပွဲတင်ဇွန်းနဲ့ရောမွှေပြီး ဦးရေပြားနဲ့ ဆံသားကို လိမ်းပေးပါ။ ၁၀ မိနစ်ထားပြီးရင် ခေါင်းလျှော်လိုက်ရုံပါပဲ။ ပြီးရင် conditioner လည်း သုံးပေးဖို့မမေ့ပါနဲ့။
ကြက်သွန်နီနဲ့ပေါင်းတင်ခြင်း
ဆံပင်အရှည်မြန်ဖို့အတွက်ဆိုရင် ကြက်သွန်နီက မရှိမဖြစ်ပါပဲ။ ကြက်သွန်နီကို အခွံခွာပြီး ကြိတ်ပါ။ ရလာတဲ့အရည်ကို ဦးရေပြားနဲ့ ဆံသားအနှံ့လိမ်းပေးပါ။ ၁၅ မိနစ်၊ နာရီဝက်လောက်ထားပြီးမှ ခေါင်းလျှော်ပါ။ conditioner ပြန်သုံးပေးဖို့လည်း မမေ့ပါနဲ့။
