အလုပ်တစ်ဖက်နဲ့မို့ ကိုယ်လေ့လာချင်တာတွေ၊ တက်ချင်တာတွေ မတက်ရဘူးဆိုတာမျိုး မဖြစ်ပါစေနဲ့။ ရအောင်ကြိုးစားပြီး လုပ်ကြည့်ပါ။ နည်းနည်းတော့ ပင်ပန်းပေမယ့်လည်း ကိုယ့်အတွက် အများကြီး အကျိုးရှိစေမှာပါ။ ဒါကြောင့် အလုပ်တစ်ဖက်နဲ့ ဘာသာစကားလေ့လာချင်သူများ လုပ်သင့်တဲ့အရာ ၄ ခုကို ပြောပြပေးလိုက်ပါတယ်။

Online ကလေ့လာသင်ယူပါ

ငွေကြေးအဆင်မပြေသလို သင်တန်းတက်ဖို့လည်း အဆင်မပြေဘူးဆိုရင် online ကနေ လေ့လာသင်ယူလို့ရပါတယ်။ Youtube မှာ တင်ပေးထားတာတွေ အများကြီးရှိတာကြောင့် ရှာဖွေလေ့လာပြီး သင်ယူလို့ရပါတယ်။ ငွေကြေးတတ်နိုင်တယ်၊ အပြင်သင်တန်းသွားတက်ဖို့ အဆင်မပြေတာဆိုရင်တော့ online class တွေတက်ပါ။ ငွေကြေးလည်း အဆင်ပြေတယ်၊ အလုပ်ပိတ်ရက်လည်း အဆင်ပြေတယ်ဆိုရင်တော့ အပြင်သင်တန်းကို အလုပ်ပိတ်ရက်မှာ သွားတက်ပါ။

စာအုပ်ဝယ်ဖတ်ပါ

ဘာသာစကားလေ့လာရင် ကိုယ်တိုင်လည်း စာအုပ်တွေ ဝယ်ဖတ်ဖို့လိုပါတယ်။ တချို့ဆိုရင် သင်တန်းမတက်ပဲ ကိုယ်တိုင်လေ့လာ၊ စာအုပ်တွေဖတ်ပြီး တတ်တာတွေ အများကြီးပါ။ အဓိကက ကိုယ်တတ်မြောက်ချင်တဲ့ ဘာသာစကားကို ရူးသွပ်ဖို့နဲ့ တတ်မြောက်ချင်စိတ်၊ ကြိုးစားချင်စိတ် အပြည့်ရှိဖို့ပါပဲ။

Group တွေထဲဝင်ထားပါ

ကိုယ်တတ်မြောက်ချင်တဲ့ ဘာသာစကားနဲ့ပတ်သက်တဲ့ group တွေကို ဝင် join ထားပါ။ ဒီလို group တွေက facebook နဲ့ telegram မှာ အများဆုံး ရှိပါတယ်။ ဒီလို group တွေထဲကို ဝင်ထားမယ်ဆိုရင်တော့ ကိုယ်မသိတာတွေလည်းသိရပြီး ဗဟုသုတတွေလည်းပိုရသလို၊ မေးချင်တာတွေရှိရင်လည်း မေးလို့ရပါတယ်။

Listening များများနားထောင်ပါ

ဘာသာစကားတစ်ခု မြန်မြန်တတ်မြောက်ချင်တယ်ဆိုရင် listening ကို များများနားထောင်ပါ။ အပြင်မှာ သင်တန်းတက်လည်း listening ကို များများနားထောင်မှ အဆင်ပြေမှာပါ။ Listening အားကောင်းရင် တစ်ဖက်လူပြောတာကို အလွယ်တကူ နားလည်မယ်၊ ကိုယ်တိုင်လည်း သူတို့လေယူလေသိမ်းအတိုင်း လိုက်ပြောတတ်သွားပါမယ်။ Listening နားထောင်ပြီး မှန်ကြည့်ကာ စကားပြောလည်း လေ့ကျင့်ဖို့ မမေ့ပါနဲ့။