အတွဲတွေရန်ဖြစ်စကားများနေချိန်မှာ အခြေအနေတွေတင်းမာပြီး ဒီထက်ပိုဆိုးမသွားစေဖို့အတွက် ဒီအရာ ၄ ခုကို မလုပ်မိဖို့လိုပါတယ်။
ဆဲဆိုခြင်း
ရန်ဖြစ်စကားများနေချိန်မှာ ဒေါကကိုမထိန်းနိုင်ပဲ ဆဲဆိုတာမျိုးက အခြေအနေတွေ ပိုဆိုးသွားစေပါတယ်။ တစ်ယောက်ကဆဲရင် တစ်ယောက်ကမခံနိုင်ပဲ ပိုစိတ်တိုပြီး အပြတ်ပြတ်နဲ့ နှာခေါင်းသွေးထွက်တာမျိုးတွေပဲ ဖြစ်လာမှာပါ။
ကိုယ်ထိလက်ရောက်ပြုမူခြင်း
ရန်ဖြစ်စကားများနေချိန်မှာ ကိုယ်ထိလက်ရောက်ပြုမူတာက အခြေအနေတွေ အရမ်းကိုတင်းမာပြီး ပိုဆိုးသွားစေပါတယ်။ လုံးဝမလုပ်သင့်တဲ့အရာလည်း ဖြစ်ပါတယ်။ နှစ်ယောက်သားချစ်လို့ ပြန်တည့်သွားရင်တောင် ဒါက ဘယ်တော့မှမမေ့နိုင်တဲ့ စိတ်ဒဏ်ရာဖြစ်နေမှာပါ။
မဆိုင်တဲ့သူတွေဆွဲထည့်ခြင်း
ရန်ဖြစ်နေချိန်မှာ တစ်ယောက်နဲ့တစ်ယောက်မနိုင်တော့ရင် မဆိုင်တဲ့သူတွေကိုပါဆွဲထည့်ပြီး ပြောဆိုတာ၊ ပြဿနာရှာတာတွေက အခြေအနေတွေ ပိုဆိုးသွားဖို့ပဲရှိပါတယ်။ ပြဿနာတွေလည်း ပိုများလာဖို့ပဲ ရှိပါတယ်။
အရင်ကအကြောင်းအရာတွေပြန်အစဖော်ခြင်း
ရန်ဖြစ်စကားများနေချိန်မှာ လက်ရှိဖြစ်တဲ့ကိစ္စကိုပဲပြောသင့်ပါတယ်။ အရင်ကအကြောင်းအရာတွေကို ပြန်အစဖော်ပြီးပြောနေရင် ပြဿနာတွေပိုတက်ပြီး ရန်ဖြစ်နေတာ ပြီးတော့မှာမဟုတ်ပါဘူး။ ဒီအချိန်မှာ မြန်မြန်ပြေလည်ဖို့နဲ့ အခြေအနေတွေဆိုးမသွားအောင် လက်ရှိဖြစ်နေတာကိုပဲ ဖြေရှင်းသင့်ပါတယ်။
