ဗိုက်ဆာနေပြီး Snack လို အသင့်စားမုန့်တွေ ရှောင်ချင်ရင်တော့ ကျန်းမာရေးနဲ့ ညီညွတ်တဲ့ ဒီအစားအသောက်တွေကို အဆာပြေစားလို့ ရပါတယ်။ အခုပြောမယ့် အစားအသောက်တွေက အဆာပြေရုံတင်မဟုတ်ဘဲ အာဟာရဓါတ်တွေ ပြည့်ဝလို့ ကျန်းမာရေးနဲ့ ညီညွတ်တဲ့ ကိုယ်ခန္ဓာဖြစ်အောင် ဝိတ်ထိန်းနေသူတွေအတွက် အထူးပဲ သင့်လျော်တဲ့ အစားအသောက်တွေ ဖြစ်ပါတယ်။
(၁) ပေါက်ပေါက်
Photo: Freepik
Popcorn တွေဟာ ကောက်နှံကနေ ထုတ်ထားတာ ဖြစ်လို့ အမျှင်နဲ့ပရိုတိန်းဓါတ် ကြွယ်ဝပါတယ်။ Popcorn ၄ ခွက်မှာ အမျှင်နဲ့ ပရိုတိန်းဓါတ် ၃ ဂရမ်ခန့် ထောက်ပံ့ပေးပါတယ်။ အဆီနည်းပြီး ကယ်လိုရီ သိပ်မရှိသလို ဗိုက်ပြည့်လွယ်တာကြောင့် ပြောင်းဖူးပေါက်ပေါက်ကလည်း အဆာပြေစားသင့်တဲ့ အစားအသောက်ထဲမှာ ပါပါတယ်။
(၂) သစ်သီးများ
Photo: Freepik
ပန်းသီး ၊ လိမ္မော်နဲ့ ပန်းသစ်တော်သီးတွေဟာ သဘာဝသကြားဓါတ်ပါပြီး အမျှင်ဓါတ်တွေပါရှိသလို စွမ်းအင်လည်းပြည့်တဲ့ သစ်သီးတွေ ဖြစ်ပါတယ်။ ထမ်ငးမစားခင် မိနစ် ၂၀ ကြိုစားထားမယ်ဆိုရင် အစားအသောက် အလွန်အကျွံစားသောက်မှုကို သိသိသာသာ လျှော့ချနိုင်မှာပါ။ ရေဓါတ်ပြည့်ဝတဲ့ အရည်ရွှမ်းသစ်သီးဝလံတွေ ဖြစ်တာကြောင့် စားချင်သောက်ချင်စိတ်မလွန်ကဲအောင် ထိန်းပေးနိုင်ပါတယ်။
(၃) ဥအမျိုးမျိုး
Photo: Freepik
ကြက်ဥ ၊ ဘဲဥနဲ့ ငုံးဥလို ဥအမျိုးမျိုးကတော့ အပေါ်မှာ ပြောခဲ့တဲ့ အသီးအနှံတွေနဲ့ ယှဉ်ရင် ကယ်လိုရီ မြင့်ပေမယ့် ပရိုတိန်းပါဝင်မှု မြင့်မားပြီး Diet တစ်ခုလို စားသုံးပေးသင့်တဲ့ အစားအစာ ဖြစ်ပါတယ်။ အမိုင်နိုအက်ဆစ် ၉ မျိုး ပါဝင်တာကြောင့် အစားတောက်လျှောက်စားချင်စိတ်ကို ထိန်းပေးနိုင်သလို ကြွက်သားဖွံ့ဖြိုးမှုလည်း အားပေးပါတယ်။
(၄) ဒိန်ချဉ်
Photo: Freepik
ဒိန်ချဉ်နဲ့ Smoothies တွေကလည်း အဆာပြေ အစားအစာတွေအဖြစ် စားပေးနိုင်တဲ့ အစားအစာထဲမှာ ပါပါတယ်။ အာဟာရဓါတ်မြင့်မားပြီး အမျှင်ဓါတ်မြင့်မားသလို စွမ်းအင်လည်းမြင့်မားပါတယ်။ အရသာပိုကောင်းစေဖို့ ဒိန်ချဉ် နဲ့ Smoothies တွေမှာ ဘယ်ရီသီးတွေ ထည့်ပြီး စားသုံးပေးနိုင်ပါတယ်။
