အဝတ်အစားတွေကို သေချာမထိန်းသိမ်းတဲ့အခါ ခဏလေးနဲ့ ဟောင်းနွမ်းသွားပါလိမ့်မယ်။ ဒါကြောင့် ကိုယ့်အဝတ်အစားတွေကို အသစ်အတိုင်းပဲဖြစ်နေအောင် ထိန်းသိမ်းနိုင်မယ့် နည်းလမ်းကောင်းတစ်ချို့ကို မျှဝေပေးလိုက်ပါတယ်။ အားလုံးအတွက် အသုံးဝင်မယ်လို့ ထင်ပါတယ်။

သိုးမွှေးအင်္ကျီတွေနဲ့ ဆွယ်တာအင်္ကျီတွေက ၃၊ ၄ ခါလောက်ဝတ်ပြီးရင် အမွှေးတွေ ဖွာထွက်လာတတ်ပါတယ်။ ဒီလို အမွှေးတွေဖွာထွက်လာရင် ဂျုပ်တဲ့ရိတ်ပေးလိုက်ရင် ရပါတယ်။

အဝတ်အစားတွေလျှော်တဲ့အခါမှာ ဆားထည့်ပြီးလျှော်ရင် အဝတ်အစားက မြန်မြန်ဟောင်းနွမ်းသွားမှာ မဟုတ်ပါဘူး။

အဖြူရောင်အဝတ်အစားတွေမှာ နည်းနည်းစွန်းထင်းသွားတဲ့အခါ၊ ဂုတ်နဲ့ လက်နေရာမှာ ချွေးထွက်ပြီး ချေးဖြစ်သွားတဲ့အခါမှာဆိုရင် ဝါသွားတာမျိုး ဖြစ်တတ်ပါတယ်။ အဲ့လိုဖြစ်လာရင် ချက်ချင်းလျှော်ပါ။ ချက်ချင်းလျှော်လို့မှ မပြောင်ရင် ဒီတိုင်းမထားလိုက်ပါနဲ့။ အဖြူရောင်အဝတ်အစားတွေမှာ စွန်းထင်းတာတွေကို ချွတ်တဲ့ အစွန်းချွတ်ဆေး၊ အစွန်းချွတ်ဆပ်ပြာ စတာတွေနဲ့ လျှော်ပေးပါ။ ဒီတိုင်းထားလိုက်ရင် ကြာလာရင် အဖြူက ညစ်သွားပါလိမ့်မယ်။

မြန်မြန်ရွဲတတ်တဲ့အဝတ်အစားတွေဆိုရင် လျှော်ပါများရင်၊ ဆပ်ပြာနဲ့ထိပါများရင် အဝတ်အစားက ခဏလေးနဲ့ နွမ်းသွားတတ်ပါတယ်။ ဒါကြောင့် ဒီလိုအဝတ်အစားတွေကိုလျှော်မယ်ဆိုရင် Baby Shampoo, Baby Soap စတာတွေနဲ့ လျှော်ပေးပါ။

source: www.brightside.me