ချစ်တယ်လို့ဘယ်လိုပဲ ပြောခဲ့ပြောခဲ့ တစ်ချို့ချစ်သူစုံတွဲတွေဟာ တစ်ယောက်ကို တစ်ယောက် ပြန်မဆုံပါရစေနဲ့လို့တောင် ဆုတောင်းပြီး ခွဲသွားတာမျိုးတွေ ရှိပါတယ်။ ဘယ်သူပဲမှားလို့ဖြစ်စေ ဘာကြောင့်ပဲ လမ်းခွဲရသည်ဖြစ်စေ အချစ်ရေးတစ်ခုကတော့ ဒီအချိန်မှာ နိဌိတံသွားပြီ ဖြစ်ပါတယ်။တကယ်တော့ စုံတွဲတွေ မကြာခင် ပြတ်တော့မယ်ဆိုတာ ရာသီဥတု ခန့်မှန်းချက်လို ခန့်မှန်းကြည့်လို့ရတဲ့ အချက်တွေ ရှိပါတယ်။

(၁) အကောင်းမမြင်ချင်တော့ဘူး

Photo : AARP

ဘာရယ်မဟုတ်တာလေးနဲ့စိတ်မရှည်နိုင်တော့ဘူး။ တစ်ယောက်ရဲ့ အမှားသေးသေးလေးအပေါ် တစ်ယောက် နားလည်သည်းခံပေးမှုမျိုး ရှားပါးလာပြီဆိုရင် မကြာခင်မှာ ကွဲဖို့ရာခိုင်နှုန်းများလာပါပြီ။

(၂) ဟက်ဟက်ပက်ပက် စကားမဆိုတော့ဘူး

Photo : iPleaders Blog

သူနဲ့ကိုယ့်အကြား စကားချင်းတောင် မဖလှယ်ချင်တော့ဘူး။ သူပြောတာလည်း ကိုယ်မကြားချင်တော့ဘူးဆိုရင် အက်သံထွက်လာပြီလို့ဆိုနိုင်ပါတယ်။ တကယ်ဆိုရင် ကိုယ့်ချစ်သူဟာ ကိုယ်စကားအပြောချင်ဆုံးသူဖြစ်သင့်သလို သူစကားကို ကိုယ်အကြားချင်ဆုံးပဲ ဖြစ်နေမှ လက္ခဏာမှန်တယ်လို့ ဆိုရမှာပါ။

(၃) ခံစားချက်တွေ ထုတ်မပြောတော့ဘူး

Photo : Envato Elements

ကိုယ်အဆင်မပြေခဲ့တာတွေရော ၊ ပြေခဲ့တာတွေရော ၊ သူနဲ့ပတ်သက်လို့ကိုယ့်စိတ်အခြေအနေနဲ့တုန့်ပြန်ခဲ့ချင်တဲ့ အကြောင်းအရာတွေပါ ချပြပြီး တည့်တည့်လင်းလင်း ဖြေရှင်းဖို့မလုပ်တော့ဘူးဆိုတာ မကောင်းဆဲ့ အခြေအနေပါ။ တစ်ယောက်ကို တစ်ယောက် သံသယ ရှိလာပြီး ဒီသံသယကို မွေးထားကြရင်းနဲ့ပေါက်ထွက်လာတဲ့နေ့ပြတ်သွားတတ်ပါတယ်။

(၄) ပတ်ဝန်းကျင်ကလည်း ပြတ်ဖို့တိုက်တွန်းနေတယ်

Photo : MoneyMagpie

ဒါဆိုရင်တော့ ပြတ်ဖို့ပိုများပါတယ်။ နဂိုကတည်းက နဲ့နေတဲ့ ချစ်သူရည်းစား ဆက်ဆံရေးချည်တိုင်ဟာ တွန်းလှဲနေတာ ဖြစ်လို့ စိတ်မခိုင်တဲ့တစ်နေ့ ပြဿနာတွေ ဆက်တိုက်တွေ့ တဲ့အခါ ညောင်ညိုရိပ်မှာ လမ်းခွဲဖို့အလားအလာ များသွားပါပြီ။