Hair Gel က ယောင်္ကျားလေးတွေကော၊ မိန်းကလေးတွေကော သုံးကြတာမို့ Hair Gel သုံးစွဲခြင်းကြောင့် ရရှိလာနိုင်တဲ့ Side Effect တွေကိုလည်း သိထားဖို့လိုပါတယ်။
ဆံသားခြောက်သွေ့စေတယ်
Hair gel တွေမှာပါဝင်တဲ့ corrosive chemical နဲ့ alcohol က ဆံသားအဆီဓာတ်ကို ဆုံးရှုံးစေပါတယ်။ ဒါကြောင့် Hair gel သုံးရင် ကြာလာတဲ့အခါမှာ ဆံသားခြောက်သွေ့စေပါတယ်။
ဆံပင်ကျွတ်စေတယ်
Hair gel သုံးတာက ဆံသားခြောက်စေတဲ့အတွက် ဆံသားကဖွာပြီးကျွတ်တာမျိုးတွေ ဖြစ်လေ့ရှိပါတယ်။ တစ်ခါတစ်လေသုံးတာမျိုးကတော့ Side Effect သိပ်မရှိပေမယ့် အမြဲလိုလိုသုံးနေရင်တော့ ဒီလိုဆံပင်ကျွတ်တာမျိုး ဖြစ်တတ်ပါတယ်။
ဗောက်ထစေတယ်
Hair gel သုံးရင် အများဆုံးဖြစ်တဲ့ Side Effect ကတော့ ဗောက်ထတာပါ။ Hair gel တွေက ဦးရေပြားကိုထိပြီး ချွေးနဲ့ရောသွားရင် ယားပြီး ဗောက်ထတာတွေ ဖြစ်ပါတယ်။ တချို့ sensitive skin သမားတွေဆိုရင် နဖူးတို့၊ နားထင်တို့ကို Hair gel ထိပြီး ဝက်ခြံထွက်တာမျိုး ဖြစ်တတ်ပါတယ်။
ဆံသားပျက်စီးပြီးအရောင်ပျက်စေတယ်
Hair gel အမြဲသုံးတဲ့သူတွေဟာ ဆံပင်တွေကြမ်းပြီး အဆီဓာတ်လည်းမရှိလို့ ဆံသားခြောက်သွေ့စေတယ်။ ဆံသားခြောက်တော့ ဆံပင်ဖွာတာ၊ နှစ်ခွဖြစ်တာတွေ ဖြစ်လာပါမယ်။ ဒါကြောင့်လည်း ဆံသားပျက်စီးစေတာပါ။ နောက်တစ်ခုကတော့ Hair gel အမြဲသုံးရင် ဆံသားအရောင်ပျက်စေပါတယ်။ Healthy hair ကို ရမှာမဟုတ်ပါဘူး။
