တစ်ခါတစ်လေကျရင် ဘယ်သူနဲ့မှစကားမပြောပဲ တစ်ယောက်ထဲနေချင်တဲ့ အချိန်တွေ ရှိပါတယ်။ သူများကလာပြောရင်လည်း ပြောရမှာလုံးဝစိတ်မပါတာမျိုး ဖြစ်နေတတ်ပါတယ်။ တကယ်တော့ သင်ကိုယ်တိုင် ဘယ်သူနဲ့မှ စကားမပြောချင်ဖြစ်နေရတဲ့ အဓိကအကြောင်းအရင်းက ဒီ ၄ ခုကြောင့်ပဲ ဖြစ်ဖို့များပါတယ်။
Depression ဝင်နေခြင်း
လူတစ်ယောက်က depression ဝင်နေပြီဆိုရင် ဘယ်သူနဲ့မှစကားမပြောချင်ပဲ တစ်ယောက်ထဲနေချင်လာပါတယ်။ ကိုယ့်အတွေးနဲ့ကိုယ် ညစ်နေကြတဲ့သူတွေဆိုလည်း မမှားပါဘူး။ စကားပြောဖို့နေနေသာသာ တစ်ယောက်ထဲအခန်းအောင်းနေတာမျိုး၊ အိပ်ယာထဲခွေခေါက်နေကြတာမျိုးတွေ များပါတယ်။
အရမ်းပင်ပန်းနေခြင်း
အလုပ်ပင်ပန်းနေလို့ပဲဖြစ်ဖြစ် အကြောင်းအမျိုးမျိုးကြောင့် အရမ်းပင်ပန်းနေတဲ့အခါမျိုးမှာလည်း တစ်ယောက်ထဲပဲနေချင်လာပါတယ်။ ဘယ်သူနဲ့မှလည်း စကားမပြောချင်တော့ပါဘူး။ ကိုယ်တိုင်က ဘယ်သူနဲ့မှ စကားမပြောချင်ဖြစ်နေပြီဆိုရင် င့ါမှာဘာတွေပင်ပန်းစရာရှိနေလဲဆိုတာကို ပြန်စဉ်းစားကြည့်ပါ။
စိတ်ဒဏ်ရာတစ်ခုခုရနေခြင်း
လူတွေက စိတ်ဒဏ်ရာရစရာ တစ်ခုခုရှိနေရင် ပိုဆိုးပါတယ်။ လုံးဝကိုစကားမပြောချင်ပဲ စိတ်ထဲမှာ အရမ်းဝမ်းနည်းနေတာ၊ စိတ်ညစ်နေတာ၊ စိတ်ပင်ပန်းနေတာမျိုး ဖြစ်နေပါလိမ့်မယ်။
ဖာသိဖာသာနေတတ်တဲ့သူဖြစ်နေခြင်း
တချို့ကျတော့လည်း ဘာမှထွေထွေထူထူဖြစ်မနေပဲ သူများတွေနဲ့ စကားမပြောချင်တာမျိုးပါ။ ဒီလိုလူမျိုးတွေအများစုက ကိုယ့်ဘာသာကိုယ်တစ်ယောက်ထဲ ဖာသိဖာသာနေတတ်တဲ့သူတွေ၊ သီးသန့်နေတတ်တဲ့သူတွေ များပါတယ်။
