ဗောက်ပြဿနာနဲ့ ရင်ဆိုင်နေရတဲ့သူတွေအတွက် အလွယ်တကူရနိုင်တဲ့ ရှားစောင်းလက်ပတ်ကိုသုံးပြီးတော့ ဗောက်တွေကို ဖယ်ရှားပစ်နိုင်မယ့် သဘာဝနည်းလမ်း ၄ မျိုးကို မျှဝေပေးလိုက်ပါတယ်။ နည်းလမ်း ၄ မျိုးထဲမှာမှ ကိုယ်အဆင်ပြေတဲ့ ၁ မျိုးကိုပဲ လုပ်ရမှာဆိုတော့ လူတိုင်းအတွက် အဆင်ပြေမှာပါ။ ဘယ်နည်းလမ်းကိုပဲလုပ်လုပ် တစ်ပတ်တစ်ကြိမ် ပုံမှန်လုပ်ပေးရပါမယ်။ ဒါမှ ဗောက်အရှင်းပျောက်မှာပါ။
ရှားစောင်းလက်ပတ်၊ သံပယိုရည်နဲ့ Tea Tree Oil
ရှားစောင်လက်ပတ်အပင်ရဲ့ အတွင်းသားဂျယ်လ်ကို လက်ဖက်ရည်ဇွန်း ၃ ဇွန်းစာ ခြစ်ယူပြီး သံပယိုရည် နည်းနည်းညှစ်ထည့်၊ Tea Tree Oil – ၂ စက်လောက်ထည့်ပြီး မွှေပေးပါ။ ပြီးရင် ဦးရေပြားအနှံ့ သေချာပွတ်ပေးပါ။ မိနစ် ၂၀ ထားပြီးမှ Mild ဖြစ်တဲ့ Shampoo နဲ့ ခေါင်းလျှော်ပေးရပါမယ်။
ရှားစောင်းလက်ပတ်၊ ပျားရည်နဲ့အုန်းဆီ
ရှားစောင်လက်ပတ်အပင်ရဲ့ အတွင်းသားဂျယ်လ်ကို လက်ဖက်ရည်ဇွန်း ၂ ဇွန်းစာ ခြစ်ယူပြီး ပျားရည် – လက်ဖက်ရည်ဇွန်း ၁ ဇွန်း၊ အုန်းဆီ – လက်ဖက်ရည်ဇွန်း ၃ ဇွန်းနဲ့ ရောမွှေပါ။ ပြီးရင် ဦးရေပြားအနှံ့ပွတ်လိမ်းပြီး မိနစ် ၃၀ ထားပါ။ အချိန်ပြည့်မှ ခေါင်းလျှော်ပေးပါ။
ရှားစောင်းလက်ပတ်နဲ့ Vitamin E Capsules
ရှားစောင်လက်ပတ်အပင်ရဲ့ အတွင်းသားဂျယ်လ်ကို လက်ဖက်ရည်ဇွန်း ၃ ဇွန်းစာ ခြစ်ယူပြီး Vitamin E Capsules – ၂ လုံး၊ ၃ လုံးလောက် ဖောက်ထည့်ပြီး ရောမွှေပါ။ ပြီးရင်တော့ ဦးရေပြားအနှံ့ သေချာပွတ်လိမ်းပြီး မိနစ် ၃၀ ထားပါ။ အချိန်ပြည့်မှ ခေါင်းလျှော်ရပါမယ်။
ရှားစောင်းလက်ပတ်၊ ပျားရည်နဲ့ Apple Cider Vinegar
ရှားစောင်လက်ပတ်အပင်ရဲ့ အတွင်းသားဂျယ်လ်ကို ခွက်တစ်ခွက်စာလောက်ရအောင် ခြစ်ထည့်ပြီး ပျားရည် – လက်ဖက်ရည်ဇွန်း ၁ ဇွန်း၊ Apple Cider Vinegar – လက်ဖက်ရည်ဇွန်း ၂ ဇွန်းနဲ့ ရောမွှေပါ။ ပြီးရင် ဦးရေပြားအနှံ့ သေချာပွတ်လိမ်းပြီး မိနစ် ၂၀ ထားပါ။ အချိန်ပြည့်ရင် Mild ဖြစ်တဲ့ Shampoo နဲ့ ခေါင်းလျှော်ပေးရုံပါပဲ။
