ဝက်ခြံကြောင့်ကျန်ခဲ့တဲ့အမာရွတ်တွေ မှေးမှိန်သွားစေဖို့ကူညီပေးမယ့် သဘာဝနည်းလမ်း ၄ မျိုး

ဝက်ခြံထွက်ပြီး အမာရွတ်ကျန်ခဲ့တာတွေ မှေးမှိန်သွားစေဖို့အတွက် ကူညီပေးမယ့် သဘာဝနည်းလမ်း ၄ မျိုးကို မျှဝေပေးလိုက်ပါတယ်။ လွယ်လွယ်ကူကူလုပ်လို့ရတဲ့ နည်းလမ်းတွေဖြစ်တာကြောင့် လူတိုင်းလုပ်ဖို့ အဆင်ပြေမှာပါ။

အုန်းဆီ

အုန်းဆီကို ဝက်ခြံအမာရွတ်နေရာကို တိုက်ရိုက်ပွတ်လိမ်းပေးပါ။ နေ့တိုင်းလိမ်းပေးရင် ဝက်ခြံအမာရွတ်တွေ တဖြေးဖြေးနဲ့ မှေးမှိန်လာမှာပါ။ အုန်းဆီမှာက Vitamin E အဓိကပါဝင်ပြီး Antibacterial, Antioxidant, Antifungal Properties တွေလည်း ပါဝင်တာကြောင့် အမာရွတ်တွေပါးသွားတာ မြန်ပါတယ်။ အလွယ်ကူဆုံး နည်းလမ်းဖြစ်လို့ တခြားဟာတွေ မလုပ်နိုင်ရင်တောာင်မှ ဒီနည်းလမ်းကိုတော့ Try ကြည့်သင့်ပါတယ်။

နနွင်းမှုန့်

နနွင်းမှုန့်မှာက Antioxidants နဲ့ Anti-inflammatory Properties တွေပါဝင်တဲ့အပြင် Skin Brightening လည်း ဖြစ်စေတာကြောင့် ကျန်ခဲ့တဲ့ အမာရွတ်တွေ မှေးမှိန်သွားအောင် ကူညီပေးနိုင်ပါတယ်။ နနွင်းမှုန့်ကို ရေနဲ့ရောပြီး အမာရွတ်ပေါ် ပွတ်လိမ်းပေးရမှာပါ။

Tea Tree Oil

Tea Tree Oil မှာကလည်း Anti-inflammatory နဲ့ Antibacterial Properties တွေ ပါဝင်ပါတယ်။ ဝက်ခြံတွေ သက်သာစေတဲ့အပြင် ဝက်ခြံကြောင့်ကျန်ခဲ့တဲ့ အမာရွတ်တွေလည်း ပါးသွားစေပါတယ်။ Healthy Skin ရရှိစေဖို့အတွက်လည်း ကူညီပေးနိုင်တဲ့အရာ ဖြစ်ပါတယ်။

စပျစ်သီးအစိမ်း

စပျစ်သီးအစိမ်းကို စားပေးတာက သွေးလည်ပတ်မှုကောင်းမွန်စေပြီး အသားအရေအတွက်လည်း ကောင်းပါတယ်။ စပျစ်သီးအစိမ်းကို အစေ့ဖယ်ပြီး ကြိတ်ပါ။ ကြိတ်ပြီးရင် စားပွဲတင်ဇွန်း ၁ ဇွန်းစာယူပြီး ဆား – လက်ဖက်ရည်ဇွန်း ၁ ဇွန်း၊ ရေနည်းနည်းနဲ့ ရောမွှေပြီး အမာရွတ်ပေါ်ကို လိမ်းပေးပါ။ ၁၅ မိနစ်ထားပြီးရင် မျက်နှာသစ်လိုက်ပါ။ ဒီနည်းလမ်းက ဝက်ခြံကြောင့်ကျန်ခဲ့တဲ့ အမာရွတ်တွေနဲ့ အမဲစက်တွေ သက်သာပျောက်ကင်းစေပါတယ်။