ဆံပင်ပါးလို့၊ ဆံပင်ကျွတ်လို့၊ ဆံပင်တွေပျက်စီးနေလို့ စိတ်ညစ်နေသူများအတွက် ဆံပင်အရှည်မြန်ပြီး အုံထူလာစေမယ့် သဘာဝနည်းလမ်း ၄ မျိုးကို မျှဝေပေးလိုက်ပါတယ်။ အမှန်တကယ်ထိရောက်တဲ့ နည်းလမ်းကောင်းတွေဖြစ်တာကြောင့် ကိုယ်အဆင်ပြေရာတစ်မျိုးကိုသာ သေချာစွဲပြီး ပုံမှန်လုပ်ပေးရုံပါပဲ။

Rosemary Oil

Rosemary Oil ကိုသုံးပေးခြင်းက ဦးရေပြားယားယံတာတွေ သက်သာစေပြီး ဆံပင်သန်စေပါတယ်။
လုပ်ရမယ့် နည်းလမ်းကတော့ Rosemary Oil ကို ဦးရေပြားမှာ နည်းနည်းလောက် အစက်ချပြီး လက်ချောင်းလေးတွေနဲ့ ၅ မိနစ်၊ ၁၀ မိနစ် Message လုပ် နှိပ်နယ်ပေးရမှာပါ။ Message လုပ် နှိပ်နယ်ပေးခြင်းကြောင့် သွေးလည်ပတ်မှု ကောင်းမွန်စေပါတယ်။

Amla Oil

Amla လို့ခေါ်တဲ့ ဆီးဖြူသီးကတော့ ဆံသားအာဟာရဖြည့်ပေးပြီး ဆံပင်သန်စေတယ်၊ ဆံပင်နက်မှောင်စေတယ်၊ ဆံပင်ကျွတ်တာသက်သာပြီး အုံထူလာစေပါတယ်။
လုပ်ရမယ့်နည်းလမ်းကတော့ Amla Oil ကို ခေါင်းမလျှော်ခင် နာရီပိုင်းအလိုမှာ ဦးရေပြားကိုလိမ်းကာ လက်ချောင်းလေးတွေနဲ့ Massage လုပ် နှိပ်နယ်ပေးပါ။ ပြီးရင်တော့ ဆံသားတွေကိုလည်း ရွှဲနေအောင် လိမ်းထားပေးပါ။ ခေါင်းလျှော်တဲ့အခါမှာတော့ သေချာပြောင်အောင် လျှော်ပေးဖို့ လိုပါတယ်။

ရှားစောင်းလက်ပတ်

ရှားစောင်းလက်ပတ်ကိုကြိတ်ပြီး ရလာတဲ့အရည် (သို့) ရှားစောင်းလက်ပတ်ဂျယ်လ်ကို ဦးရေပြားမှာ ပွတ်လိမ်းပေးရမှာပါ။ ဒီလိုလုပ်ပေးခြင်းက ဦးရေပြားနဲ့ဆံသား ကျန်းမာစေပြီး ဆံပင်သန်စေပါတယ်။ ဆံပင်အုံထူပြီး အရှည်မြန်လာစေပါတယ်။

ဒုဓလီအမြစ်

ဒုဓလီအမြစ်ကို ရေနဲ့ပွက်ပွက်ဆူအောင် ကျိုပေးပြီး ရလာတဲ့အရည်ကို အအေးခံထားပါ။ အေးသွားပြီဆိုရင် ဦးရေပြားကနေစပြီး လောင်းချပါ။ ၂ မိနစ်၊ ၃ မိနစ်လောက်ထားပြီးရင် ခေါင်းလျှော်လိုက်ရုံပါပဲ။ ဒီနည်းလမ်းကတော့ ဦးရေပြားမှိုစွဲတာတွေကို သက်သာစေပြီး ဆံသားတောက်ပြောင်စေပါတယ်။ ဆံပင်လည်းအုံထူလာစေပါတယ်။