အချိန်ကြာကြာတည်မြဲပြီး ပျော်ရွှင်ရမယ့် Relationship ကို တည်ဆောက်နိုင်ဖို့အတွက်ဆိုရင် ဒီအချက် ၄ ချက်က အဓိကလိုအပ်ပါတယ်။ တစ်ယောက်နဲ့တစ်ယောက် ဘယ်လောက်ချစ်ချစ် ဒီအချက်တွေမရှိရင် ရေရှည်အတွက် အဆင်ပြေမှာ မဟုတ်ပါဘူး။
နားလည်မှုအပြည့်အဝရှိဖို့
Relationship မှာ တစ်ယောက်နဲ့တစ်ယောက် နားလည်မှုအပြည့်အဝနဲ့ တည်ဆောက်ထားရင် မလိုလားအပ်တဲ့ ပြဿနာတွေဖြစ်တာနည်းပြီး ခဏခဏရန်ဖြစ်ရတာလည်း နည်းမှာပါ။ ကြည်နူးပျော်ရွှင်ရတဲ့ အချိန်တွေပိုများလာပြီး တစ်ယောက်နဲ့တစ်ယောက် ပိုချစ်လာပါလိမ့်မယ်။ ဒီလို Relationship မျိုးက အချိန်ကြာကြာတည်မြဲပြီး ပျော်ရွှင်ရပါတယ်။ ဒါကြောင့် အရမ်းလည်းမချုပ်ချယ်ပါနဲ့။
ယုံကြည်မှုရှိဖို့
တစ်ယောက်နဲ့တစ်ယောက် ယုံကြည်မှုရှိကြရင် ဘယ်သူဖြတ်ဖြတ် မပျက်ပါဘူး။ ဘေးလူသွေးထိုးလည်း အေးဆေးပါပဲ။ ပြိုလဲသွားတာမျိုး ရှိမှာမဟုတ်ပါဘူး။ ဒါကြောင့် ယုံကြည်မှုနဲ့ တည်ဆောက်ထားတဲ့ Relationship တွေဆိုရင် အချိန်အကြာကြာ လက်တွဲနိုင်ပါတယ်။
သစ္စာတရား
ယုံကြည်မှုတွေ၊ နားလည်မှုတွေရှိဖို့အတွက် အဓိကလိုအပ်တဲ့အရာကလည်း သစ္စာတရားပါပဲ။ တစ်ယောက်နဲ့တစ်ယောက် သစ္စာရှိမှသာ Relationship တစ်ခုက အပြည့်အဝပျော်ရွှင်နိုင်မယ်၊ အချိန်ကြာကြာလည်း လက်တွဲနိုင်ပါမယ်။
ခွင့်လွှတ်သည်းခံတတ်ဖို့
အရာရာတိုင်းကို သည်းမခံနိုင်ပဲ လိုက်ပြောနေရင်၊ သေးသေးလေးကအစ စိတ်ဆိုးပြီး ခွင့်မလွှတ်နိုင်ဖြစ်နေရင် ပျော်ရွှင်ရမှာမဟုတ်ပါဘူး။ ပြဿနာသေးသေးလေးကအစ ရန်ဖြစ်စကားများပြီး ရေရှည်မှာ နှစ်ယောက်လုံးပင်ပန်းလာပါလိမ့်မယ်။ ဒီလိုမျိုးတွေကြောင့်ပဲ ကြာလာရင် Toxic Relationship ဖြစ်လာပြီး ပြတ်စဲသွားကြတာတွေ အများကြီးရှိပါတယ်။ ဒါကြောင့် တော်ရုံဆို သည်းခံပြီး ခွင့်လွှတ်ပေးလိုက်ပါ။ ဒါဆိုရင်တော့ အဆင်ပြေပါလိမ့်မယ်။
