အိမ်တိုင်းမှာရှိတဲ့ပစ္စည်း ၄ မျိုးနဲ့ တံတောင်ဆစ်မဲတာကို သက်သာအောင်လုပ်နိုင်မယ့်နည်းလမ်း

တံတောင်ဆစ်ကတော့ လူတိုင်းလိုလိုမဲတာပါပဲ။ ဒီလို တံတောင်ဆစ်မဲတာကိုမကြိုက်လို့ ဖြူချင်တဲ့သူတွေ၊ အသားအရောင်ညီချင်တဲ့သူတွေအတွက် အိမ်တိုင်းမှာ အလွယ်တကူရှိတဲ့ ပစ္စည်း ၄ မျိုးနဲ့ တံတောင်ဆစ်မဲတာကို သက်သာအောင်လုပ်နိုင်မယ့် နည်းလမ်းတွေကို ဖော်ပြပေးလိုက်ပါတယ်။

အုန်းဆီ

အုန်းဆီနဲ့ သံပယိုရည်ကို ဆတူရောမွှေပြီး တံတောင်ဆစ်မှာ ၁၅ မိနစ်ခန့် ပွတ်လိမ်းထားပါ။ ပြီးရင်တော့ သန့်ရှင်းတဲ့ towel နဲ့ ပွတ်လိုက်ပါ။ ဒီနည်းလမ်းကို နေ့တိုင်းလုပ်သွားမယ်ဆိုရင်တော့ ရက်အနည်းငယ်အတွင်းမှာပဲ သိသာတဲ့ရလဒ်ကို ရရှိမှာပါ။

သံပယိုရည်

သံပယိုရည်ကို တံတောင်ဆစ်မှာ ၁၅ မိနစ်လောက် လိမ်းထားပေးပါ။ အချိန်ပြည့်ရင် ရေနွေးနဲ့ဆေးချပြီး moisturizer (သို့) lotion လိမ်းပေးလိုက်ရုံပါပဲ။ စိတ်ရှည်ရှည်နဲ့ ပုံမှန်လုပ်မယ်ဆိုရင်တော့ တံတောင်ဆစ်မဲတာက တစ်ဖြေးဖြေးနဲ့ သက်သာလာပြီး အသားအရောင်ညီလာမှာပါ။

သကြား

သကြားနဲ့ သံလွင်ဆီကို ပျစ်ပျစ်လေးဖြစ်အောင် ရောမွှေပြီး တံတောင်ဆစ်ကို ၅ မိနစ်ခန့် scrub လုပ်သလို ပွတ်ပေးပါ။ အချိန်ပြည့်ရင် ရေကြက်သီးနွေးနဲ့ဆေးချပြီး lotion ပြန်လိမ်းပေးထားရုံပါပဲ။ ဒီနည်းလမ်းကိုတော့ ၅ ရက် တစ်ခါ လုပ်ပေးရပါမယ်။

မုန့်ဖုတ်ဆိုဒါ

မုန့်ဖုတ်ဆိုဒါနဲ့ နွားနို့ကို ပျစ်ပျစ်လေးဖြစ်အောင် ရောမွှေပြီး တံတောင်ဆစ်မှာ ၃ မိနစ်လောက် လိမ်းထားပေးပါ။ အချိန်ပြည့်ရင် ရေဆေးချလိုက်ရုံပါပဲ။ ဒီနည်းလမ်းကိုလုပ်မယ်ဆိုရင်တော့ နေ့တိုင်းလုပ်ပေးရပါမယ်။