ဦးရေပြားယားယံတာက ရာသီမရွေးဖြစ်တတ်ပါတယ်။ ဦးရေပြားမသန့်ရှင်းတဲ့အခါမှာလည်း ဖြစ်တတ်သလို၊ ဗောက်ကြောင့်လည်း ဖြစ်တတ်ပါတယ်။ ဘယ်လိုအကြောင်းအမျိုးမျိုးကြောင့်ပဲဖြစ်ဖြစ် ဦးရေပြားယားယံတာ သက်သာပျောက်ကင်းစေမယ့် Home Remedies (4) မျိုးကို ပြောပြပေးလိုက်ပါတယ်။ အိမ်မှာ အလွယ်တကူလုပ်လို့ရတဲံ နည်းလမ်းတွေဖြစ်တာကြောင့် လူတိုင်းလုပ်ဖို့ အဆင်ပြေမှာပါ။

Apple Cider Vinegar

Shampoo နဲ့ ခေါင်းလျှော်ပြီးတဲ့အခါမှာ Apple Cider Vinegar နဲ့ရေနဲ့ကို ဆတူရောမွှေပြီး ခေါင်းလောင်းပေးရမှာပါ။ ပြီးရင် Shampoo နဲ့ ပြန်မလျှော်ပဲ ဒီတိုင်းပဲထားလိုက်ပါ။ ဦးရေပြားယားယံတာ သက်သာပျောက်ကင်းစေပါတယ်။

Peppermint Oil

Peppermint Oil ကို သံလွင်ဆီနဲ့ရောပြီး ဦးရေပြားအနံ့ သေချာနှိပ်နယ်ပြီး လိမ်းပေးပါ။ ပြီးရင် နည်းနည်းကြာကြာထားပြီးမှ ခေါင်းလျှော်ပေးပါ။ ဒီလိုလုပ်ပေးခြင်းက ဦးရေပြားယားယံတာနဲ့ ဗောက်ထတာတွေကို သက်သာပျောက်ကင်းစေပြီး ဦးရေပြားကိုလည်း Soothing Effect ရစေပါတယ်။

Tea Tree Oil

Tea Tree Oil နဲ့ သံလွင်ဆီကို ရောပြီး ဦးရေပြားအနှံ့ သေချာနှိပ်နယ်ပြီး လိမ်းပေးတာမျိုး လုပ်လို့ရသလို ကိုယ်သုံးမယ့် ခေါင်းလျှော်ရည်ထဲကို Tea Tree Oil အစက် ၂၀ လောက်ထည့်ပြီး လျှော်ပေးလို့လည်း ရပါတယ်။ ကိုယ်ကြိုက်တဲ့တစ်မျိုးကို ရွေးလုပ်နိုင်ပါတယ်။ ဦးရေပြားယားယံတာ၊ ဗောက်ထတာတွေ၊ ဦးရေပြားမှိုဖြစ်တာ၊ ဆံပင်အဆီပြန်တာတွေ သက်သာပျောက်ကင်းစေပါတယ်။

အုန်းဆီစစ်စစ်

အုန်းဆီစစ်စစ်ကို ဦးရေပြားအနှံ့ သေချာနှိပ်နယ်ပြီး လိမ်းပေးရင်လည်း ဦးရေပြားယားယံတာတွေ သက်သာစေပါတယ်။ ဒါကတော့ အလွယ်ကူဆုံးနဲ့ အလုပ်ရှုပ်အသက်သာဆုံး နည်းလမ်းဖြစ်မှာပါ။ ပြီးရင်တော့ ခေါင်းလျှော်တဲ့အခါမှာ သေချာပြောင်အောင် လျှော်ပေးရပါမယ်။