အချိန်ကြာရင်ခေါင်းကိုက်လာစေတဲ့ဆံပင်ပြင်ဆင်ပုံလေးမျိုး

တချို့ဆံပင်ပြင်ဆင်ပုံတွေက ဆံသားတွေကို တင်းကျပ်နေအောင် ဆွဲယူထားသလိုဖြစ်တာကြောင့် အချိန်ကြာလာရင် ခေါင်းကြိမ်းပြီး ခေါင်းကိုက်တာမျိုး ဖြစ်လာပါတယ်။ ဒါကြောင့် ဒီလိုဆံပင်ပြင်ဆင်ပုံတွေကို မလုပ်မိအောင်၊ ရှောင်လို့ရအောင် လုပ်ထားတဲ့အချိန်ကြာလာရင် ခေါင်းကိုက်လာစေတဲ့ ဆံပင်ပြင်ဆင်ပုံ လေးမျိုးကို ဖော်ပြပေးလိုက်ပါတယ်။

Ponytail

Ponytail ဆံပင်ပုံစံက ဆံပင်ကိုထိပ်ကနေ တင်းကျပ်နေအောင် စုစည်းထားတာဖြစ်လို့ အချိန်ကြာလာရင် ခေါင်းကိုက်လာစေပါတယ်။ ဆံသားလည်း ပျက်စီးစေလို့ ခဏခဏစည်းထားလို့ မကောင်းပါဘူး။

Headbands

ခေါင်းထပ်မှာ headbands လုပ်တာ၊ ဘီးကုပ်တပ်တာမျိုးကလည်း နဂိုခေါင်းကိုက်တတ်တဲ့အခံရှိတဲ့သူဆိုရင် အချိန်ခဏလေးအတွင်းမှာပဲ ခေါင်းတွေကြိမ်းပြီး ကိုက်လာတတ်ပါတယ်။

Tight braids

ဆံပင်ကိုTight braids ကျစ်ဆံမြီးကျစ်တာမျိုးက ဆံသားတွေကို ဆွဲယူပြီး ကျစ်ထားတာဖြစ်လို့ ကြာလာရင် ခေါင်းကိုက်လာပါလိမ့်မယ်။ ဒါကြောင့် ကျစ်ဆံမြီးကျစ်ချင်တယ်ဆိုလည်း လျော့လျော့လေးပဲကျစ်ပါ။

Hair extensions

Hair extensions လို့ခေါ်တဲ့ ဆံပင်ဆက်တာကလည်း အရမ်းခေါင်းကိုက်စေတဲ့ ဆံပင်ပြင်ဆင်မှုမျိုးပါ။ နဂိုထဲက ခေါင်းကိုက်တတ်တဲ့သူဆိုရင် ဆံပင်ဆက်တာမျိုးကို မလုပ်တာအကောင်းဆုံးပါပဲ။