ဗောက်တွေရှိလို့ စိတ်ညစ်နေတဲ့သူတွေအတွက် ဗောက်ကင်းစင်တဲ့ ဆံကေသာကိုပိုင်ဆိုင်နိုင်မယ့် Hair Mask (၄) မျိုးကို မျှဝေပေးလိုက်ပါတယ်။ ဗောက်ပျောက်တဲ့ ခေါင်းလျှော်ရည်တွေသုံးလည်း ဗောက်ထတုန်းပဲဆိုရင် ဒီ Hair Mask တွေကို Try ကြည့်နော်။ နည်းလမ်း ၄ မျိုးတောင်ဆိုတော့ ကိုယ်အဆင်ပြေတဲ့တစ်မျိုးကို ရွေးချယ်ပြုလုပ်နိုင်ပါတယ်။
အုန်းဆီနဲ့မုန်ညင်းဆီ
ပန်းကန်လုံးအသေးထဲကို အုန်းဆီ – စားပွဲတင်ဇွန်း ၂ ဇွန်း၊ ၃ ဇွန်းလောက်ထည့်ပြီး မုန်ညင်းဆီ – အစက်အနည်းငယ်ထည့်ကာ မွှေပေးပါ။ ပြီးရင် ဦးရေပြားအနှံ့ သေချာလိမ်းပေးပြီး ပိုတာကို ဆံပင်လိမ်းပါ။ တစ်နာရီခွဲထားပြီးမှ ခေါင်းလျှော်ပေးပါ။
တမာရွက်နဲ့ပျားရည်
ပန်းကန်လုံးထဲကို တမာရွက်ထည့်ကြိတ်ပြီး ကြေညက်သွားပြီဆိုရင် ပျားရည်နဲ့ ရောမွှေပြီး တစ်ညထားပါ။ မနက်ရောက်မှ ဦးရေပြားမှာ ပွတ်လိမ်းပြီး မိနစ် ၃၀ ထားပါ။ အချိန်ပြည့်ရင် ခေါင်းလျှော်လို့ရပါပြီ။
ဒိန်ချဉ်နဲ့တမာရွက်
တမာရွက်ကို ကြိတ်ချေပြီး ဒိန်ချဉ်နဲ့ရောမွှေပါ။ ပြီးရင် ဦးရေပြားအနှံ့ သေချာပွတ်လိမ်းပြီး ၅ မိနစ်လောက် လက်ချောင်းလေးတွေနဲ့ နှိပ်နယ်ပေးပါ။ ပြီးရင်တော့ မိနစ် ၃၀ ထားပါ။ အချိန်ပြည့်မှ ခေါင်းလျှော်ပေးပါ။
ဇီးဖြူသီး Juice နဲ့တမာရွက်
အိုးအသေးလေးကို မီးဖိုပေါ်တင်ပြီး ရေနည်းနည်းထည့်ကာ ဆူအောင်တည်ပေးပါ။ ရေဆူပြီဆိုရင် တမာရွက်နည်းနည်းနဲ့ ဇီးဖြူသီး juice နည်းနည်း ထည့်မွှေပါ။ ပြီးရင် အရည်တွေကို စစ်ယူပြီး ဦးရေပြားကို ပွတ်ပေးပါ။ ၅ မိနစ်လောက် သေချာပွတ်လိမ်းပြီးရင် ခေါင်းလျှော်လို့ရပါပြီ။
