ဝိတ်ကျချင်တဲ့သူတွေအတွက် ပုံမှန်လုပ်ပေးသင့်တဲ့ အလွယ်ကူဆုံး ယောဂကျင့်စဉ် ၄ မျိုးကို ဖော်ပြပေးလိုက်ပါတယ်။ ဝိတ်လည်းကျချင်တယ်၊ အရမ်းပင်ပန်းတဲ့ဒဏ်လည်း မခံနိုင်ဘူးဆိုရင် ဒီယောဂကျင့်စဉ် ၄ မျိုးကိုတော့ Try ကြည့်သင့်ပါတယ်။ နေ့တိုင်း ပုံမှန်လုပ်ပေးပြီး တစ်ပတ်မှာတစ်ရက်လောက် နားပေးပါ။ ဒါမှသိသာတဲ့ Result ကို ရရှိမှာပါ။

Chair Pose

Chair Pose ယောဂကျင့်စဉ်က ဝိတ်ကျစေဖို့အတွက် အထောက်အကူပြုသလို ခန္ဓာကိုယ် အညောင်းအညာပြေဖို့အတွက်လည်း အများကြီး အထောက်အကူပြုပါတယ်။

လုပ်ရမယ့်ပုံစံကတော့ ခြေထောက်နှစ်ဖက်ကိုစုထားပြီး ပုံမှာပြထားသလောက် ထိုင်ခုံမှာထိုင်သလိုမျိုးထိုင်ပါ။ လက်နှစ်ဖက်က အပေါ်ကိုဆန့်တန်းထားရပါမယ်။ အဲ့အတိုင်း စက္ကန့် ၃၀ ကနေ စက္ကန့် ၆၀ အတွင်း ကိုယ်နေနိုင်သလောက် နေပေးပါ။

Half Spinal Twist Pose

Half Spinal Twist Pose ယောဂကျင့်စဉ်ကျတော့ ဝိတ်ကျစေဖို့ ကူညီပေးတဲ့အပြင် အဆုတ်အားကောင်းစေပါတယ်။ စိတ်တည်ငြိမ်စေပါတယ်။

လုပ်ရမယ့်ပုံစံကတော့ ပုံမှာပြထားတဲ့အတိုင်းထိုင်ပြီး စက္ကန့် ၆၀ နေပေးပါ။ အချိန်ပြည့်ရင် နောက်တစ်ဖက်ကို လှည့်ထိုင်ပြီး စက္ကန့် ၆၀ ထပ်နေပေးရုံပါပဲ။

Bridge Pose

Bridge Pose ယောဂကျင့်စဉ်ကတော့ အစာခြေစနစ်ကို ပိုမိုကောင်းမွန်စေပြီး သွေးလည်ပတ်မှု ကောင်းမွန်စေပါတယ်။ ဝိတ်ကျစေဖို့လည်း အထောက်အကူပြုတဲ့ ယောဂကျင့်စဉ်ဖြစ်ပါတယ်။

လုပ်ရမယ့်ပုံစံကတော့ ပုံမှာပြထားတဲ့အတိုင်း စက္ကန့် ၆၀ နေပေးရမှာပါ။ အနည်းဆုံးတော့ စက္ကန့် ၃၀ ရအောင် နေရပါမယ်။ ဒီယောဂကျင့်စဉ်မှာ ခြေဖဝါး၊ ခေါင်းနဲ့ လက်က ကြမ်းနဲ့ကပ်ထားဖို့လိုပါတယ်။

Downward Facing Dog

Downward Facing Dog ယောဂကျင့်စဉ်ကလည်း အညောင်းအညာပြေစေပြီး အစာခြေစနစ် ပိုမိုကောင်းမွန်လာစေတယ်။ သွေးလည်ပတ်မှုကောင်းမွန်စေတယ်။ ဝိတ်ကျစေဖို့လည်း အများကြီး အထောက်အကူပြုပါတယ်။

လုပ်ရမယ့်ပုံစံကတော့ ပုံမှာပြထားတဲ့အတိုင်း လက်ဖဝါးနဲ့ ခြေဖဝါးကို ကြမ်းနဲ့ကပ်ထားပြီး ခန္ဓာကိုယ်က ကုန်းနေရမှာပါ။ ကုန်းတဲ့အခါမှာလည်း ကျောရိုးနဲ့ ခြေထောက်တွေက တစ်ဖြောင့်တည်း ဆန့်ထားရပါမယ်။