လက်သည်းတွေသန်မာစေဖို့အတွက်ကူညီပေးမယ့် လွယ်ကူသောနည်းလမ်း ၄ မျိုး

လက်သည်းခဏခဏကျိုးလို့၊ လက်သည်းအရှည်ထားမရလို့ စိတ်ညစ်နေတဲ့သူတွေအတွက် လက်သည်းတွေ သန်မာလာစေဖို့အတွက် လုပ်ရတာလွယ်ကူတဲ့ သဘာဝနည်းလမ်းကောင်း ၄မျိုးကို မျှဝေပေးလိုက်ပါတယ်။

သံပယိုသီး

သံပယိုသီးက vitamin C ကြွယ်ဝစွာပါဝင်လို့ လက်သည်းတွေ ကျန်းမာသန်စွမ်းဖို့ အကောင်းဆုံးပါပဲ။ လုပ်ရမယ့်နည်းလမ်းကတော့ သံပယိုသီးကို ထက်ခြမ်းခြမ်းပြီး လက်သည်းခြေသည်းတွေကို ၅ မိနစ်လောက် ပွတ်ပေးပါ။ ပြီးရင် ရေနွေးနဲ့ သန့်စင်ပေးပါ။

အုန်းဆီ၊ သံလွင်ဆီ

အုန်းဆီနဲ့ သံလွင်ဆီမှာကျတော့ vitamin E ပါလို့ လက်သည်းအတွက် အရမ်းကောင်းပါတယ်။ လုပ်ရမယ့်နည်းလမ်းက ညတိုင်း အိပ်ယာဝင်ခါနီးမှာ လက်သည်းခြေသည်းတွေကို အုန်းဆီ၊ သံလွင်ဆီ လိမ်းပြီး လက်ချောင်းလေးတွေနဲ့ massage လုပ် နှိပ်နယ်ပေးရုံပါပဲ။

ကြက်ဥအကာ

ကြက်ဥအကာမှာက calcium ဓာတ်တွေပါလို့ လက်သည်းတွေသန်မာစေဖို့ ကူညီပေးပါတယ်။ လုပ်ရမယ့်နည်းလမ်းကတော့ ကြက်ဥအကာကို သန့်စင်ပြီး ကြေညက်သွားအောင် ကြိတ်ပေးပါ။ အနှစ်လိုမျိုးပျစ်ပျစ်လေးဖြစ်တဲ့အထိ ကြိတ်ပေးပြီး ရလာတာကိုမှ လက်သည်းပေါ်မှာ သုတ်လိမ်းထားပါ။ အချိန်တစ်ခုလောက်ထားပြီးရင် ရေဆေးချလိုက်ရုံပါပဲ။

ပျားရည်

ပျားရည်က လက်သည်းကျန်းမာသန်စွမ်းစေဖို့၊ ဘတ်တီးရီးယားနဲ့ မှိုတွေကို တိုက်ထုတ်ပေးဖို့အတွက် ကူညီပေးပါတယ်။ လုပ်ရမယ့်နည်းလမ်းကတော့ ပျားရည် – လက်ဖက်ရည်ဇွန်း ၂ ဇွန်းနဲ့ သံပယိုရည် – အနည်းငယ်တို့ကို ရောမွှေပြီး လက်သည်းပေါ်လိမ်းပေးကာ လက်ချောင်းလေးတွေနဲ့ massage လုပ် နှိပ်နယ်ပေးပါ။ ပြီးရင် ၁၅ မိနစ်ထားပြီးမှ ရေဆေးချပါ။