အားလုံးပဲမင်္ဂလာပါ။ Glow ပြီးတောက်ပတဲ့ အသားအရေတိုင်းက ပျိုမေတိုင်းရဲ့ အိပ်မက်ပါပဲ။ တောက်ပတဲ့ အသားအရေကို ပိုင်ဆိုင်သူတစ်ယောက်က မိတ်ကပ်အကူတောင် မလိုတော့ပါဘူး။ အရင်ကထက် ပိုစိုပြေပြီး တောက်ပတဲ့ အသားအရေကို ပိုင်ဆိုင်နိုင်မယ့် အဆင့် (၄) ဆင့်ရှိပါတယ်။ ဒီအဆင့် (၄) ဆင့်ကို တစ်ပတ်မှာ တစ်ကြိမ်ပြုလုပ်ပေးပါ။ သင့်အသားအရေ ပြောင်းလဲလာတာကို မကြာခင် မြင်တွေ့ရပါလိမ့်မယ်။
အဆင့် (၁) ချေးချွတ်ပါ (Exfoliate)
Source: Entity Mag
မျက်နှာပေါ်က ဆဲလ်သေတွေ ကွာကျစေဖို့ ချေးချွတ်ပေးရပါမယ်။ ချေးချွတ်ပေးမှ အသားအရေ တောက်ပလာမှာပါ။ ချေးချွတ်တာက အသားအရေကို ချောမွေ့စေပြီး ကိုယ်သုံးတဲ့ Skincare ကို အသားထဲ ပိုစိမ့်ဝင်စေပါတယ်။
အဆင့် (၂) အစိုဓာတ်ထိန်းခရင်
Source: SPY.com
အသားအရေစိုပြေချင်တဲ့ မိန်းကလေးတစ်ယောက်အနေနဲ့ သနပ်ခါးလိမ်းရုံနဲ့ မလုံလောက်သေးပါဘူး။ အစိုဓာတ်ထိန်းခရင် လိမ်းပေးရပါမယ်။ အစိုဓာတ်ထိန်းခရင်က အသားအရေအတွက် လုံလောက်တဲ့ ရေဓာတ်ကိုဖြည့်ပေးမှာပါ။
အဆင့် (၃) အသားအရေကို တစ်ညတာလုံး အားဖြည့်ပါ
Source: Xarismania
Night Cream လိမ်းပြီး အသားအရေကို အားဖြည့်ပေးရပါမယ်။ အသားအရေ ပြန်လည်ပြုပြင်ခြင်းဖြစ်စဉ်က ညဘက်မှာ လုပ်ငန်းစပါတယ်။ Sleeping Mask သုံးလို့လည်း ရပါတယ်။
အဆင့် (၄) Vitamin C Booster/ Serum လိမ်းပါ
Source: Healthline.com
Vitamin C က အသားအရေပျက်စီးမှုကို ကာကွယ်ပေးပြီး အသားအရေညီညာစေပါတယ်။ အမည်းစက်တွေကို သက်သာစေပါတယ်။ အသားအရေစိုပြေဖို့ Vitamin C ကိုလိုအပ်ပါတယ်။ အလှကုန်ဆိုင်တွေမှာ Vitamin C ပါဝင်တဲ့ Serum ကိုရွေးဝယ်ပါ။ Vitamin C Serum ကို အသားထဲစိမ့်ဝင်အောင် စက်ဝိုင်းပုံစံ လိမ်းပေးပါ။
By MyStyle Myanmar
