သင်က လက်သည်းနီ ဆိုးစရာမလိုဘဲ သဘာဝအတိုင်း ကြည်ကြည်လေး လိုချင်တယ်ဆိုရင်တော့ ဒီအကြောင်းအရာက သင့်အတွက်ပါပဲ။ လက်သည်းခဏခဏ ဆိုးတဲ့အခါ၊ ဓာတုပစ္စည်းတွေနဲ့ လက်သည်းနဲ့ ခဏခဏ ထိတွေ့တဲ့အခါ လက်သည်းဝါတာ၊ အရောင် မတောက်တော့တာတွေ ဖြစ်လာတတ်ပါတယ်။ ဒီတစ်ခေါက်မှာတော့ လက်သည်းကို သဘာဝအတိုင်း ကြည်ကြည်လေး ပြန်ရလာစေမယ့် နည်းလမ်းတွေကို ဖော်ပြပါရစေ။

၁။ သွားတိုက်ဆေး

Photo Source: YouTube

သွားတိုက်ပြုတ် အသေးနဲ့ သွားတိုက်ဆေး အဖြူကို ယူကာ လက်သည်းပေါ် ၁ မိနစ် ဒါမှမဟုတ် ၂ မိနစ် ပွတ်ပေးရပါမယ်။ သွားတိုက်ဆေးက အဖြူရောင်ကို ရွေးသင့်ပါတယ်။ သွားတိုက်ဆေးထဲ မုန့်ဖုတ်ဆိုဒါ ရောပြီး ပွတ်ပေးတာကလည်း ပိုထိရောက်စေပါတယ်။

၂။ သံပယိုရည်နဲ့ မုန့်ဖုတ်ဆိုဒါ

Photo Source: Brightside

သံပယိုရည် တစ်ဝက်လောက်ကို အရည်ညှစ်ပြီး ဒီထဲကို မုန့်ဖုတ်ဆိုဒါ ထည့်ပေးရပါမယ်။ အနှစ်သဘောမျိုး ရသွားရင် သွားတိုက်တံ အဟောင်း သုံးပြီး လက်သည်းကို ပွတ်ပေးနိုင်ပါတယ်။ သဘောမကျသေးရင် ရေဆေးကာ ထပ်ပွတ်နိုင်ပါတယ်။ လက်အနာဖြစ်နေရင်တော့ ဒီနည်းကို မသုံးတာ ပိုကောင်းပါတယ်။ သံပယိုရည်က သင့်အနာကို ပိုနာစေပါလိမ့်မယ်။

၃။ 3% Hydrogen Peroxide နဲ့ မုန့်ဖုတ်ဆိုဒါ

Photo Source: The Indian Spot

3% Hydrogen Peroxide နဲ့ မုန့်ဖုတ်ဆိုဒါကို ပမာဏ ဆတူ ရောကာ လက်သည်းပေါ် ပွတ်ပြီး ၃ မိနစ် ဝန်းကျင် ထားပေးရပါမယ်။ ပြီးနောက် ရေဆေးချရပါမယ်။

၄။ Base Coat

Photo Source: Amazon

လက်သည်းနီ အရောင်ကြည် Base Coat ကို ဆိုးပေးတာကလည်း သင့်လက်သည်းအရောင်ကို ကြည်စေပါတယ်။ ဒါပေမဲ့ လက်သည်းမခြောက်သွားအောင် Base Coat ဆိုးပြီးနောက် ခြောက်သွားတဲ့အခါ အစိုဓာတ်ထိန်းခရင် တစ်ခုခု လိမ်းပေးသင့်ပါတယ်။

By MyStyle Myanmar