ခန္ဓာကိုယ်အလှအပအတွက်မဟုတ်ပဲ ကျန်းမာရေးအတွက်၊ ခန္ဓာကိုယ်အညောင်းညာပြေပြီး ကိုယ်ရောစိတ်ပါ ပေါ့ပါးလန်းဆန်းချင်တဲ့သူတွေအတွက် လေ့ကျင့်ခန်းက သီးသန့်ရှိပါတယ်။ အခုမှ လေ့ကျင့်ခန်းစလုပ်မယ့် သူတွေအတွက်ကတော့ အိမ်မှာလုပ်လို့ရတဲ့ ဒီလေ့ကျင့်ခန်း ၄ မျိုးက အကောင်းဆုံးပါပဲ။

Pushups

Pushups လေ့ကျင့်ခန်းကတော့ ဒိုက်ထိုးသလိုပဲဆိုတော့ လူတိုင်းလုပ်တတ်မှာပါ။ ဒီလေ့ကျင့်ခန်းက ရင်အုံ၊ လက်မောင်းကြွက်သား၊ ခန္ဓာကိုယ်အလယ်ပိုင်းအတွက် အရမ်းကောင်းတဲ့ လေ့ကျင့်ခန်းဖြစ်ပါတယ်။ ဒီလေ့ကျင့်ခန်းကိုလုပ်နေချိန်မှာ stress တွေလည်း လျော့ကျစေပါတယ်။

လုပ်ရမယ့်ပုံစံကတော့ ပုံမှာပြထားတဲ့အတိုင်းပါပဲ။ ၃ ကြိမ်ဆက်တိုက် မနားပဲလုပ်ရပါမယ်။ ပြီးရင် ၃ စက္ကန့်လောက်နားပြီး ၃ ကြိမ်ဆက်တိုက် ထပ်လုပ်ပါ။ အဲ့အတိုင်း ၅ ကြော့ကနေ ၁၀ ကြော့အထိ ကိုယ်လုပ်နိုင်သလောက် လုပ်ပေးပါ။

Planks

Planks ထောက်တာကတော့ ဗိုက်အဆီတွေ သိသိသာသာကျစေပြီး ခန္ဓာကိုယ်အလယ်ပိုင်း ကျန်းမာရေးအတွက်ကောင်းတဲ့ လေ့ကျင့်ခန်းဖြစ်ပါတယ်။

စစလုပ်ချင်းမှာတော့ ပုံမှာပြထားတဲ့အတိုင်း စက္ကန့် ၃၀ ရအောင်နေပေးပါ။ အချိန်ပြည့်ရင် ခဏရပ်ပြီး ပြန်လုပ်ပါ။ နောက်ထပ် ၂ ကြော့ ထပ်လုပ်ပေးရပါမယ်။ နောက်ပိုင်း ကိုယ်နေနိုင်ရင် နေနိုင်သလောက် အချိန်ကိုတိုးပြီး လုပ်သွားပေးပါ။ ၁ မိနစ်၊ ၂ မိနစ်အထိနေနိုင်အောင် try ကြည့်ပါ။

Burpees

Burpees လေ့ကျင့်ခန်းကတော့ လုပ်ရတာနည်းနည်း အဆင်မပြေဖြစ်တတ်ပေမယ့် သူက ခန္ဓာကိုယ်တစ်ခုလုံးအတွက်ကောင်းတဲ့ လေ့ကျင့်ခန်းဖြစ်ပါတယ်။

လုပ်ရမယ့်ပုံစံကတော့ ပထမဆုံးပုံထဲကလို လက်နဲ့ထောက်ပြီး ကွေးပြီးတစ်ဝက်ထိုင်ပါ။ ပြီးတာနဲ့ ဒုတိယပုံထဲကလို ခြေထောက်ကိုဆင်းလိုက်ပါ။ ပြီးရင်တော့ တတိယပုံထဲကလို ပြန်ထိုင်ပါ။ နောက်ဆုံးမှာတော့ ခုံပြီးမတ်တပ်ရပ်လိုက်ပါ။ ဒီအဆင့်မှာ ခုံတဲ့အခါ ခြေဖနောင့်ကိုပင့်ထားပြီး ခြေချောင်းထိပ်နဲ့ ထောက်ရပါမယ်။ လက်နှစ်ဖက်ကိုလည်း အပေါ်ကို ဆန့်ထုတ်ထားရပါမယ်။ အဲ့အတိုင်း အဆင့် ၄ ဆင့်ကို ၁၀ မိနစ်ပြည့်အောင် repeat ပြန်ပြန်လုပ်ပေးပါ။

Jumping Rope

ကြိုးခုန်လေ့ကျင့်ခန်းကတော့ လက်မောင်း၊ ခြေထောက်နဲ့ ခန္ဓာကိုယ်တစ်ခုလုံးအတွက် ကောင်းတဲ့ လေ့ကျင့်ခန်းပါပဲ။ ဒါ့အပြင် stress တွေလျော့ကျပြီး စိတ်ပေါ့ပါးသွားစေပါတယ်။

ကြိုးခုန်တတ်တဲ့သူတွေအတွက်ကတော့ အရမ်းလွယ်မှာပါ။ ဆက်တိုက်ခုန်ပေးရပါမယ်။ ၁၀ မိနစ်တော့ ရအောင်ခုန်ပေးရပါမယ်။ အဲ့ထက်ပိုပြီးခုန်နိုင်လည်း ရပါတယ်။