ဆံပင်ကြမ်းလို့ စိတ်ညစ်နေသူများအတွက် ဆံသားနူးညံ့ပျော့ပျောင်းသွားစေမယ့် သဘာဝနည်းလမ်း ၄ မျိုးကို မျှဝေပေးလိုက်ပါတယ်။
ကြက်ဥနဲ့ဒိန်ချဉ်
ကြက်ဥတစ်လုံးနဲ့ ဒိန်ချဉ်ကို ရောခလောက်ပြီး ဆံပင်မှာ သေချာနှံ့အောင်လိမ်းပေးပါ။ မိနစ် ၃၀ လောက်ထားပြီးရင် ခေါင်းလျှော်လိုက်ရုံပါပဲ။ ဒီနည်းလမ်ကို တစ်ပတ်တစ်ကြိမ် ပုံမှန်လုပ်ပေးရင် ဆံပင်သိသိသာသာ နူးညံ့ပျော့ပျောင်းသွားစေပါတယ်။
အုန်းနို့၊ ထောပတ်သီးနဲ့ Jojoba Oil
အုန်းနို့နဲ့ ထောပတ်သီးတစ်ခြမ်းကို ရောကြိတ်ပေးပါ။ ပြီးရင် jojoba oil အနည်းငယ်ထည့်ပြီး မွှေလိုက်ပါ။ ပြီးရင်တော့ ဆံသားအနှံ့သေချာလိမ်းပေးပြီး မိနစ် ၃၀ ထားပါ။ အချိန်ပြည့်ရင် ခေါင်းလျှောက်လိုက်ရုံပါပဲ။ ဒီနည်းလမ်းကတော့ ဆံသားနူးညံ့ပျော့ပျောင်းစေပြီး ဆံပင်သန်စေပါတယ်။
နွားနို့နဲ့ပျားရည်
နွားနို့ – ခွက်တစ်ဝက်စာကို အပူပေးပြီး ပျားရည် – ၂ ဇွန်းထည့်မွှေပါ။ ပြီးရင်တော့ အအေးခံထားပြီး အေးပြီဆိုမှ ဆံသားအနှံ့သေချာလိမ်းပေးပါ။ မိနစ် ၃၀ ကြာရင် ခေါင်းလျှော်ချလိုက်ပါ။ ဒီနည်းလမ်းကတော့ ဆံသားနူးညံ့ပျော့ပျောင်းစေပြီး ဆံသားတောက်ပြောင်စေပါတယ်။
သင်္ဘောသီး
သင်္ဘောသီးကိုအခွံခွာပြီး ဒိန်ချဉ်နဲ့ ပျစ်ပျစ်လေးဖြစ်အောင် ရောချေပေးပါ။ ပြီးရင်တော့ ဆံသားနဲ့ဦးရေပြားအနှံ့ သေချာလိမ်းပေးပြီး မိနစ် ၃၀ ထားပါ။ အချိန်ပြည့်မှ ခေါင်းလျှော်ချလိုက်ပါ။ ဒီနည်းလမ်းကတော့ ဆံသားနူးညံ့ပျော့ပျောင်းစေပြီး ဦးရေပြားခြောက်သွေ့တာကို သက်သာစေတယ်။ ဗောက်ထတာသက်သာစေပါတယ်။ ဆံပင်အရှည်မြန်စေပါတယ်။
