အသက် (၃၃) နှစ်အရွယ် ဖိလစ်ပိုင်မင်းသမီးချောလေး Kim Chiu ရဲ့ ဖက်ရှင်များ

ဟယ်လို MyStyle Myanmar က အမြဲတင်ဆက်ပေးနေတဲ့ အနုပညာရှင်တို့ရဲ့ ဖက်ရှင်ကဏ္ဍအလှည့်ကို တဖန်ကျရောက်လို့လာပြန်ပါပြီ။ ဒီနေ့မှာတော့ ပရိသတ်တို့ သဘောတွေ့မှာသေချာတဲ့ ဖိလစ်ပိုင်မင်းသမီးချောလေး Kim Chiu အကြောင်းပဲ ဖြစ်ပါတယ်။

လက်ရှိမှာ နိုင်ငံတကာကို ပေါက်နေတဲ့ ဖိလစ်ပိုင်မင်းသမီးချောတွေထဲက တစ်ဦးအပါအဝင်ဖြစ်ပြီးတော့ အသက် ၃၃ နှစ်ရှိပါပြီ။ သူမရဲ့မွေးနေ့က ၁၉၉၀ ခုနှစ် ဧပြီလ ၁၉ ရက်နေ့ဖြစ်ပြီးတော့ ဖိလစ်ပိုင်နိုင်ငံ Cebu City မှာ မွေးဖွားခဲ့တာပါ။

နာမည်အပြည့်အစုံက Kimberly Sue Yap Chiu ဖြစ်ပြီးတော့ Box Office ဖိလစ်ပိုင်ဒေါ်လာ ၁.၁ ဘီလီယံကျော် ဇာတ်ကားတွေကို ရိုက်ကူးထားနိုင်တဲ့ မင်းသမီးတစ်လက်ပါ။

Sana Maulit Muli, I’ve Fallen For You နဲ့ Tayong Dalawa ဇာတ်ကားတွေနဲ့ လူသိများလာခဲ့တာဖြစ်ပြီး တခြားသူမရဲ့ ကျော်ကြားတဲ့ဇာတ်ကားတွေကတော့ The Healing, Bride for Rent, Etiquette for Mistresses, One Great Love, Minsan Lang Kita Iibigin, My Binondo Girl, Ina, Kapatid, Anak, Ikaw Lamang နဲ့ Love Thy Woman တို့ပဲ ဖြစ်ပါတယ်။

ကလေးမျက်နှာလေးနဲ့မို့ အသက် ၃၀ ကျော်ပြီလို့ ပြောရင် ဘယ်သူမှ ယုံနိုင်မှာတောင် မဟုတ်လောက်အောင် လှပနုပျိုတဲ့ မင်းသမီးလေး Kim Chiu က ဖက်ရှင်ပိုင်းမှာလည်း တအားကို ဝတ်တတ်စားတတ်လှပါတယ်။

အခုလိုမျိုး နိုင်ငံတကာ အောင်မြင်မှုကို ရရှိထားတဲ့ Kim Chiu ရဲ့ အမိုက်စားဖက်ရှင်လေးတွေကို သူမရဲ့ပရိတ်သတ်တွေအတွက် စုစည်းတင်ဆက်ပေးလိုက်ရပါတယ်နော်။