Plank ထောက်တာက ဗိုက်အဆီတွေ သိသိသာသာကျပြီး ဗိုက်ချပ်စေပါတယ်။ ဗိုက်ချပ်ဖို့ လေ့ကျင့်ခန်းလုပ်မယ်ဆိုရင်လည်း plank ထောက်တာက မပါမဖြစ်ပါပဲ။ ဒီတစ်ခါမှာတော့ ၃ ပတ်အတွင်းမှာ ဗိုက်အဆီတွေ သိသိသာသာကျသွားစေမယ့် pank ထောက်နည်း ၃ မျိုးကို မျှဝေပေးလိုက်ပါတယ်။ တစ်ပတ်ကို တစ်မျိုးလုပ်ရမှာ ဖြစ်ပါတယ်။
ပထမတစ်ပတ်
ပထမတစ်ပတ်မှာ ပုံထဲကအတိုင်း လက်ဖဝါးနှစ်ဖက်ကိုစုပြီး ထောက်ထားပါ။ စက္ကန့် ၂၀ အဲ့အတိုင်းထောက်နေပါ။
အချိန်ပြည့်ရင် စက္ကန့် ၃၀ ခ ဏနားပါ။
ပြီးတာနဲ့ အဲ့အတိုင်း ပြန်ထောက်ပြီး ဒုတိယပုံထဲကလို ခြေထောက်တစ်ဖက်ကို အပေါ်မြှောက်ပြီး စက္ကန့် ၃၀ နေပေးပါ။ အချိန်ပြည့်ရင် ခြေထောက်ကို ဘယ်ညာပြောင်းမြှောက်ပြီး နောက်ထပ် စက္ကန့် ၃၀ ထပ်နေပေးပါ။
ပထမတစ်ပတ် ၇ ရက်လုံးကို ဒီအတိုင်းပဲ လုပ်ပေးရမှာပါ။ ဒါပေမယ့် စက္ကန့် ၂၀ ကနေ တစ်ဖြေးဖြေးနဲ့ အချိန်ကို ပိုတိုးသွားပါ။ စက္ကန့် ၆၀ အထိရအောင် လုပ်ပေးပါ။
ဒုတိယတစ်ပတ်
ပုံ ၁ ထဲကလိုအနေအထားနဲ့ ၁၀ စက္ကန့်နေပေးပါ။ ပြီးရင် ပုံ ၂ ထဲကလို ဘယ်လက်ကိုကွေးထောက်ပြီး ၁၀ စက္ကန့်နေပါ။ ပြီးရင် တတိယပုံထဲကလို ဘယ်ညာလက်နှစ်ဖက်လုံးကို ကွေးပြီးထောက်ကာ ၁၀ စက္ကန့် ထပ်နေပါ။ ပြီးရင်တော့ ပုံ ၄ ထဲကလို ဘယ်လက်ကို ပြန်ဆန့်ထောက်ပါ။ ပြီးရင် ပုံ ၁ ထဲကလို ပြန်သွားပါမယ်။ အဲ့အတိုင်း အနေအထား ၄ မျိုးကို တစ်လှည့်စီ လုပ်ပေးရမှာ ဖြစ်ပါတယ်။
စက္ကန့် ၆၀ ကနေ စက္ကန့် ၉၀ အထိ တိုးပြီးလုပ်သွားပေးပါ။ ဒါကတော့ ဒုတိယတစ်ပတ် ၇ ရက်လုံးလုပ်ရမယ့် plank ထောက်နည်း ဖြစ်ပါတယ်။ ကိုယ်လုပ်နိုင်ရင် လုပ်နိုင်သလောက် အချိန်များများလုပ်ပါ။
တတိယတစ်ပတ်
ပထမပုံထဲကလိုအနေအထားနဲ့ စပြီးနေပေးပါ။ ပြီးရင်တော့ ဒုတိယပုံထဲကလို V ပုံစံ ပြောင်းလုပ်ပါ။ ပြီးတာနဲ့ ချက်ချင်း ပထမပုံထဲကလို ပြန်နေပါ။ အဲ့အတိုင်း အနေအထားနှစ်မျိုးကို ဆက်တိုက် လုပ်ပေးရမှာ ဖြစ်ပါတယ်။
ပထမစစလုပ်တဲ့အချိန်မှာ စက္ကန့် ၉၀ ကနေ စလုပ်ပါ။ နောက်ပိုင်းမှာ တစ်ဖြေးဖြေးတိုးသွားပြီး စက္ကန့် ၁၂၀ အထိရအောင် လုပ်ပေးပါ။ ဒါကတော့ တတိယတစ်ပတ် ၇ ရက်လုံးလုပ်ရမယ့် plank ထောက်နည်း ဖြစ်ပါတယ်။
