ဗောက်ထလို့ စိတ်ညစ်နေတဲ့သူတွေအတွက် သံယိုရည်ကိုသုံးပြီး ဗောက်ပျောက်အောင်လုပ်နိုင်မယ့် သဘာဝနည်းလမ်းကောင်း ၃ မျိုးကို မျှဝေပေးလိုက်ပါတယ်။ ဗောက်အတွက် သံပယိုရည်က အရမ်းထိရောက်တာဖြစ်လို့ ဒီနည်းလမ်းတွေထဲက ကိုယ်နှစ်သက်ရာ၊ အဆင်ပြေရာတစ်မျိုးကို ရွေးချယ်ပြီး ပြုလုပ်နိုင်ပါတယ်။
သံပယိုရည်နဲ့ Apple Cider Vinegar
သံပယိုရည် – စားပွဲတင်ဇွန်း ၂ ဇွန်းနဲ့ Apple Cider Vinegar – စားပွဲတင်ဇွန်း ၄ ဇွန်းတို့ကို ရောမွှေပြီး ဂွမ်းလုံးလေးနဲ့ယူကာ ဦးရေပြားကို လိုက်ပွတ်ပေးပါ။ နေရာအနှံ့ သေချာပွတ်ပေးပြီးရင် မိနစ် ၂၀ ထားပြီးမှ ခေါင်းလျှော်ပါ။
ဒီနည်းလမ်းကို တစ်ပတ်တစ်ကြိမ် ပုံမှန်လုပ်ပေးမယ်ဆိုရင်တော့ ဗောက်တွေသိသိသာသာကို သက်သာပျောက်ကင်း သွားပါလိမ့်မယ်။
သံပယိုရည်နဲ့ Almond Oil
သံပယိုရည် – စားပွဲတင်ဇွန်း ၂ ဇွန်းနဲ့ Almond Oil – စားပွဲတင်ဇွန်း ၃ ဇွန်း ၄ ဇွန်းကို ရောမွှေပါ။ ပြီးရင် ဦးရေပြားကို သေချာနှံ့အောင်လိမ်းပေးပြီး လက်ချောင်းလေးတွေနဲ့ massage လုပ်နှိပ်နယ်ပေးပါ။ မိနစ် ၃၀ ထားပြီးရင် ခေါင်းလျှော်ချလိုက်ပါ။
ဒီနည်းလမ်းကတော့ ဗောက်ထတာပျောက်စေပြီး ယားယံတာတွေပါ သက်သာစေပါတယ်။ တစ်ပတ်တစ်ကြိမ်တော့ ပုံမှန်လုပ်ပေးနိုင်ရင် ပိုကောင်းပါတယ်။
သံယိုရည်နဲ့ရှားစောင်းလက်ပတ်ဂျယ်လ်
သံပယိုရည် – စားပွဲတင်ဇွန်း ၂ ဇွန်းနဲ့ ရှားစောင်းလက်ပတ်ဂျယ်လ် – စားပွဲတင်ဇွန်း ၂ ဇွန်းတို့ကို ကြိတ်ချေပြီး မွှေပေးပါ။ ပြီးရင် လက်နဲ့ယူပြီး ဦးရေပြားအနှံ့ပွတ်ပြီး နှိပ်နယ်ပေးပါ။ ၁၅ မိနစ်ထားပြီးမှ ခေါင်းလျှော်ချလိုက်ပါ။
ဒီနည်းလမ်းကတော့ ဦးရေပြားခြောက်ပြီး ယားယံတာ၊ ဗောက်ထတာတွေကို သက်သာစေပါတယ်။ ဒီနည်းလမ်းကို ရွေးချယ်ပြီးလုပ်မယ်ဆိုရင်လည်း တစ်ပတ်တစ်ကြိမ် ပုံမှန်လုပ်ပေးရပါမယ်။
