ဝိတ်ကျချင်တဲ့သူတွေအတွက် အိမ်တိုင်းမှာရှိတဲ့ ဂျင်းကိုသုံးပြီး ဝိတ်ချနိုင်မယ့် နည်းလမ်းကောင်းတွေကို မျှဝေပေးလိုက်ပါတယ်။ ဒီနည်းလမ်းတွေထဲကမှ ကိုယ်နှစ်သက်ရာတစ်မျိုးကို ရွေးလုပ်ပါ။ သေချာဇွဲရှိရှိနဲ့လုပ်မယ်ဆိုရင်တော့ သိသာတဲ့ရလဒ်ကို ရရှိလာမှာပါ။ ဘေးဥပါဒ်မဖြစ်စေတဲ့ သဘာဝနည်းလမ်းတွေဖြစ်တာကြောင့် စိတ်ချလက်ချ ပြုလုပ်နိုင်ပါတယ်။

ဂျင်းပြုတ်ရည်

ဝိတ်ကျဖို့အတွက် အကောင်းဆုံးနည်းလမ်းကတော့ ဂျင်းပြုတ်ရည်သောက်တာပါပဲ။ မနက်ပိုင်းမှာ သောက်ပေးရမှာပါ။ ကျန်းမာရေးအတွက်လည်း အထောက်အကူဖြစ်စေသလို ဝိတ်ကျဖို့အတွက်လည်း ကူညီပေးပါတယ်။

လုပ်ရမယ့်နည်းလမ်းကတော့ ဂျင်း – ၁ လက်မစာကို ရေ – ၁ ခွက်နဲ့ရောပြီး ၅ မိနစ်လောက် ပြုတ်ပေးရမှာပါ။ ပွက်ပွက်ဆူလာပြီဆိုမှ မီးဖိုပေါ်ကချပြီး အအေးခံပြီး သောက်ပါ။ ဒီနည်းလမ်းကိုလုပ်မယ်ဆိုရင်တော့ ဂျင်းပြုတ်ရည်ကို မနက်စောစော တစ်ခွက် သောက်ပေးရပါမယ်။ နေ့တိုင်းပါ။

ဂျင်းနဲ့ပျားရည်

ဂျင်းပြုတ်ရည်ချည်းပဲ မသောက်ချင်တဲ့သူတွေက ဂျင်းနဲ့ပျားရည်ကို ရောသောက်လို့ရပါတယ်။ ဂျင်းက ဝိတ်ကျဖို့အတွက် ကူညီပေးသလို ပျားရည်ကလည်း ဝိတ်ကျဖို့အတွက် ကူညီပေးပါတယ်။

လုပ်ရမယ့်နည်းလမ်းကတော့ ဂျင်း – ၁ လက်မစာကို ရေ – ၁ ခွက်နဲ့ ရောမွှေပြီး ၅ မိနစ်လောက် ပြုတ်ပေးပါ။ ပြီးရင်တော့ မီးဖိုပေါ်ကချပြီး ပျားရည် – စားပွဲတင်ဇွန်း ၁ ဇွန်းထည့်မွှေလိုက်ပါ။ အအေးခံပြီးရင်တော့ သောက်လို့ရပါပြီ။ ဒီနည်လမ်းကိုလုပ်မယ်ဆိုရင်တော့ ဗိုက်ထဲအစာမရှိတဲ့အချိန်မှာ သောက်ပေးရပါမယ်။ နေ့တိုင်း တစ်နေ့တစ်ခွက် ပုံမှန်သောက်ပေးရင် ရပါပြီ။

ဂျင်းနဲ့သံပယိုရည်

ဂျင်းကလည်း ဝိတ်ကျဖို့ကူညီပေးနိုင်လို သံပယိုရည်ဆိုတာလည်း ဝိတ်ကျဖို့အတွက် များစွာအထောက်အကူဖြစ်တဲ့အရာပါ။ အရသာကောင်းကောင်းလေးဖြစ်မှ သောက်ချင်တယ်ဆိုတဲ့သူတွေကတော့ ဒီနည်းလမ်းကိုသာရွေးပါ။

လုပ်ရမယ့်နည်းလမ်းကတော့ ဂျင်း – ၁ လက်မစာကို ရေ – ၁ ခွက်နဲ့ ရောမွှေပြီး ၅ မိနစ်လောက် ပြုတ်ပေးပါ။ ပြီးရင်တော့ မီးဖိုပေါ်ကချပြီး သံပယိုရည် – စားပွဲတင်ဇွန်း ၁ ဇွန်းစာ ထည့်မွှေလိုက်ပါ။ အအေးခံပြီးရင်တော့ သောက်လို့ရပါပြီ။ အပေါ်ကနည်းလမ်း ၂ မျိုးထက် ဒီနည်းလမ်းက အရသာပိုကောင်းပြီး အဝင်လည်းမဆိုးစေပါဘူး။ ဒီထဲမှာ ပျားရည်ထပ်ထည့်ပြီး သောက်မယ်ဆိုလည်း ရပါတယ်။ ဒီနည်းလမ်းလုပ်မယ်ဆိုရင်တော့ တစ်နေ့ကို ၁ ကြိမ် (သို့) ၂ ကြိမ် သောက်ပေးနိုင်ပါတယ်။

photo source:www.freepik.com