မျက်နှာအသားအရေပြဿနာအတွက် တော်တော်များများဖြစ်လေ့ရှိတဲ့အရာတွေကို သခွားသီးသုံးပြီးဖြေရှင်းလို့ရအောင် နည်းလမ်းကောင်းတချို့ကို မျှဝေပေးလိုက်ပါတယ်။
မျက်ခုံးမွှေးနုတ်လို့ အသားအရေနီရဲရောင်ရမ်းတာပဲဖြစ်ဖြစ်၊ တစ်ခုခုကြောင့် မျက်နှာအသားအရေ နီရဲရောင်ယမ်းတဲ့အခါမှာ သခွားသီးကို အလယ်ကနေအရှည်လိုက်ခြမ်းပြီး တစ်လွှာလောက် ပါးပါးလေးလှီးထုတ်၊ ခြစ်ထုတ်လိုက်ပါ။ ပြီးရင်တော့ ဖြစ်တဲ့နေရာမှာ မိနစ်အနည်းငယ်ကြာ ကပ်ထားလိုက်ပါ။ ဒါဆိုရင် ပျောက်သွားပါလိမ့်မယ်။
မျက်ကွင်းညိုတဲ့အခါမှာလည်း သခွားသီးကို အဝိုင်းလေးလှီးပြီး တစ်ခြမ်းခြမ်းပါ။ ပြီးရင် မျက်ကွင်းညိုတဲ့နေရာမှာ ကြာကြာလေးကပ်ထားလိုက်ပါ။ ဒါဆို သက်သာသွားပါလိမ့်မယ်။
နေလောင်ထားလို့ အသားအရေနီရဲတာ၊ နေလောင်ဒဏ်ခံထားရတာမျိုးဆိုရင် သခွားသီးတစ်လုံးကို အခွံခွာပြီး သေးသေးလေးတွေလှီးကာ Blender ထဲထည့်ပါ။ Aloe Vera Gel – စားပွဲတင်ဇွန်း ၁ ဇွန်းနဲ့ ရေနည်းနည်းထည့်ပြီး မွှေလိုက်ပါ။ ပြီးရင်တော့ Spray ဘူးထဲထည့်ပြီး နေလောင်ခံထားရတဲ့ အရေပြားပေါ်မှာ ဖြန်းပြီး ဖြေးဖြေးလေးပွတ်ပေးပါ။ သက်သာသွားပါလိမ့်မယ်။
